5 arsye përse duhet të zgjidhni Kolegjin Universitar Qiriazi

Bëjeni Share që të informoni shokët: Share-512.png

5 arsye përse duhet të zgjidhni Kolegjin Universitar Qiriazi

  • Stafi akademik

Kolegji Universitar Qiriazi ndër vite i ka kushtuar një rëndësi të veçantë stafit akademik, duke bërë pjesë të kolegjit pedagoget më me eksperiencë dhe më të spikaturit në fushën e ekonomisë, jurispudencës, teknologjisë ushqimore, teknologjisë së informacionit dhe turizmit. Pedagogët janë shtylla kryesore që garantojnë suksesin e studentit në të ardhmen, ndaj dhe Kolegji Universitar Qiriazi në bashkëpunim me universitet e vendeve të BE-se u mundëson studentëve të zhvillojnë mesim edhe me pedagogët e universiteteve më prestigjoze në botë.

  • Punësimi i studentëve gjatë dhe pas kryerjes së studimeve

Kolegji Universitar Qiriazi ju garanton të gjithë studentëve mundësinë e punësimit si gjatë por edhe pas kryerjes së studimeve. Si arrin ta bëjë të mundur këtë gjë universiteti?  Kolegji Universitar Qiriazi ka një bashkepunim te ngushte me Dhomen e Tregtise Tirane, dhe me një numër të madh biznesesh dhe institucionesh që sigurojnë praktikat dhe punësimin e studentëve. Nëpërmjet këtyre lidhjeve Kolegji Universitar Qiriazi i mundëson kujt do studenti që dëshiron të punojë part time ose full time, nga viti parë bachelor deri në vitin e fundit master.

  • Infrastruktura dhe Laboratorët modern

Kolegji Universitar Qiriazi ofron kushte moderne për kryerjen e procesit mësiomor në aspektin teorik dhe atë praktik. Ky universitet vlerëson maksimalisht ndërthyrjen e teorisë me praktikën. Studentët mund të aplikojnë e praktikojnë dijet dhe profesionin nëpërmjet laboratorëve, klinikave ligjore, zyrave dhe institucioneve financiare që universiteti ofron në shërbim të tyre. Kolegji Universitar Qiriazi ka në misionin e vet edukimin e brezave nëpërmjet praktikës në proceset e punës.

  • Asistencë Individuale dhe mbështetje për çdo student në bazë të nevojave

Në fokusin e Kolegjit Universitar Qiriazi është rritja e kapaciteteve të studentit si në aspektin profesional, por edhe atë social e kulturor. Ndaj çdo vit e më shumë shtohet vemendja e universitetit ndaj kërkesave dhe nevojave specifike të çdo studenti për të zhvilluar background-in dhe karrierën e tyre për të ardhmen. Në Kolegjin Universitar Qiriazi studentit i ofrohet asistencë individuale nga secili pedagog për të diskutuar çështje që lidhen me modulin, angazhimin e studentit në kërkim shkencor, konferenca etj. Organizatat dhe klubet studentore janë një mundësi tjetër e mbështetjes dhe promovimit të studentëve të KUQ.

Mbështetja me bursa jo vetëm e maturantëve me mesatare të lartë, por edhe e studentëve që vazhdojnë ta ruajnë mesataren përgjatë studimeve bachelor dhe master. Universiteti ofron gjithashtu bursa të plota për zhvillimin e studimeve master në universitetet e BE, ku kriter i vetëm është nota mesatare.

  • Universitet i akredituar dhe ofron një larmishmëri të programeve të studimit

Kolegji Universitar Qiriazi është një universitet i akredituar.

Ky universitet ofron një larmishmëri programesh studimi si:

Fakulteti Ekonomik

Profilet:

  • Finance
  • Menaxhim biznesi

Master professional:

  • Finance
  • Administrim biznesi

Master shkencor:

  • Finance
  • Administrim biznesi

Fakulteti i Drejtesise dhe Shkencave te Edukimit

Profilet:

  • E drejte biznesi ose business law

Master professional:

  • Jurist me drejtim biznesi

Master  i shkencave:

  • E drejte civile dhe tregtare

 

 Kolegji  Profesional i Larte 2 vjecar

Teknologji ushqimore  (Teknolog ushqimor)

Programet:

  • Teknologjinë e Produkteve Bimore
  • Teknologjinë e Produkteve Shtazore
  • Teknologjinë e Pijeve dhe Ujit

Teknologjia e Informacionit dhe Komunikimit (TIK)

Programet:

  • Teknologji Informacioni dhe Komunikimi
  • Elektronikë
  • Web Design

Hoteleri – Turizem 2 vjecare

FILLUAN REGJISTRIMET.png

Bëjeni Share që të informoni shokët: Share-512.png

Regjistrimet në universitet, ndryshimet në listat e fituesve

Bëjeni Share që të informoni shokët: Share-512.png

Nisin regjistrimet në universitet në 7 faza 48-orëshe. Si do të ndryshojnë listat e fituesve për maturantët që nuk janë shpallur fitues në një program studimi. Procesi i çregjistrimit dhe aplikimi në raundin e dytë

2 shtatori shënoi nisjen e fazës së parë të regjistrimeve në universitetet publike. Regjistrimet do të vazhdojnë edhe këtë të martë, për të gjithë maturantët të cilët janë shpallur fitues të degëve përkatëse. Ditën e djeshme fluksi ka qenë mjaft i lartë, kryesisht në universitetin Mjekësor të Tiranës, ku si fillim regjistrimi ka nisur me studentët e ekslenecës. Në programin e studimit të Mjekësisë së Përgjithshme 1/3 e kuotave janë plotësuar vetëm me këtë fazë aplikimesh. Ndërkohë mësohet se në total, numërohen mbi 2 mijë maturant të regjistruar për fazën e parë të aplikimeve deri dje. Procesi i regjistrimit do të zhvillohet në 7 faza 48-orëshe, pra renditja e listave fituesve të maturantëve do ndryshojë 7 herë. E gjithë kjo do të ndodhë në varësi të kuotave që do të mbeten bosh nga përfundimi i fazave të regjistrimit.

Kjo i jep shpresë maturantëve të cilët gjenden poshtë vijës së kuqe të kualifikimit për të nisur regjistrimin. Kështu, në momentin që maturanti vendos të regjistrohet në një nga degët ku ai është shpallur fitues, automatikisht lirohen kuotat e preferencave të tjera ku ai ka përzgjedhur, duke bërë të mundur që të ngjiten sipër vijës së kuqe maturantët të cilët nuk ishin fitues në listat e para. Ata maturantë të cilët nuk do të paraqiten brenda afatit kohor 48 orë, humbasin të drejtën për t’u regjistruar, duke pritur kështu raundin e dytë të aplikimeve. “Në rast se pas çdo faze konstatohen kuota të paplotësuara, zhvendoset vija e kuqe dhe shpallen fitues të rinj të asaj faze. Këta fitues të rinj regjistrohen vetëm në fazën pasardhëse. Këto faza vijojnë deri në plotësimin e kuotave dhe përfundojnë në datën e përcaktuar në kalendarin e miratuar me urdhër të titullarëve të QSHA-së dhe RASH-it, për çdo vit akademik”, sqaroi më herët udhëzimi i MASR-së.

 

Në SCCAlbania ne kemi specialistët e duhur për përgatitje në Mininaturë, Maturë dhe Universitet!
📚📖👩‍💻👨‍💻
Eja dhe mëso më tepër mbi programin dhe specialistët tanë!
Kontakt: 0692744472
Mail: sccalbania@gmail.com

Ndryshimet

Ndryshimi i listës fituese, gjendet online në portalin “U-albania”. Si fillim maturantët hapin faqen dhe më pas klikojnë në butonin “këndi i maturantit”, ku më pas do t’u kërkohet të vendosin numrin tuaj të identifikimit dhe më pas klikoni “afisho”.  Pasi të keni shtypur këtë buton do të shfaqet tabela me të gjitha preferencat e përzgjedhura nga ju për vijimin e garës së studimeve të larta përgjatë raundit të parë. Secila prej preferencave do të jetë e shënjuar me një ngjyrë të caktuar, e cila tregon mundësitë që keni për të qenë fitues, ose jo. Nëse preferenca juaj është e shënuar me ngjyrë të gjelbër, do të thotë që ju jeni përzgjedhur për këtë program studim, duke iu lindur e drejta të regjistroheni. Nëse me ngjyrë të gjelbër shfaqet më shumë se një program studimi, ju do të përzgjidhni preferencën tuaj brenda afatit kohor të përcaktuar nga Ministria e Arsimit më herët, që është 48 orë.

Nëse nuk bëni përzgjedhjen, ju e humbisni një nga këto programe studimi. Kështu, ju duhet të vendosini se në cilën prej tyre doni të ndiqni studimet e larta dhe brenda 48-orëve duhet të paraqiteni për të regjistrimin si fitues. Në këtë dritare do të jenë të shfaqur edhe preferencat që janë të listuara me ngjyrë të kuqe. Kjo tregon se ju nuk keni arritur te jeni fitues në këtë program studimi, por nga procesi i regjistrimeve, si dhe kuotat e mundshme të pranimit mund të ndodhë që të lirohen vende të cilat mund të krijojnë një shans për të qenë ju fitues. Për këtë arsye, duhet që të mbani në vëzhgim  herë ndryshimin e listës pas mbylljes së secilës fazë të regjistrimit të raundit të parë.  Një tjetër ngjyrë e cila do të të ketë mbuluar preferencën tuaj, do të mund të jetë edhe ngjyra e verdhë. Kjo tregon se ju jeni fitues, por procesin e regjistrimit mund ta kryeni vetëm në raundin pasardhës. E fundit ngjyrë, e cila do të mbulojë preferencat tuaja, është gri, e cila tregon se nuk keni arritur të fitoni këtë program studimi, që ju keni zgjedhur.

Procesi i çregjistrimit

Të gjithë ata maturantë të cilët nuk e pëlqejnë programin e studimit në të cilin janë shpallur fitues në raundin e parë, mund të kryejnë procesin e çregjistrimit, ku është përcaktuar data 16 shtator. Shanset për të fituar një tjetër degë mund të ndodhin vetëm nëse kryhet ky proces, në të kundërtën ata do të mbeten student të programit të parë, ose nëse nuk regjistrohen e humbasin këtë të drejtë.  Në këtë mënyrë çdo kandidat duhet të paraqesë një kërkesë për çregjistrim pranë sekretarisë mësimore të fakultetit ku dhe është regjistruar, duke tërhequr dokumentet e dorëzuara. Më pas duhet të plotësoni sërish formularin A2 në raundin e 2-të, për të hyrë në garë për studimet e larta në një tjetër degë të preferuar. ” Çregjistrimi kryhet në portalin U-Albania nga sekretaria mësimore e fakultetit. Sekretaritë mësimore, në përfundim të procesit të çregjistrimit të aplikantëve dhe dorëzimit të dokumentacionit, përcjellin në portalin U-Albania listën e aplikantëve të çregjistruar në format elektronik, brenda datës së përcaktuar në kalendarin e miratuar me urdhër të titullarëve të QSHA-së dhe RASH-it”, thuhet në udhëzim.

Dokumentet

Për regjistrimin e programit të studimit në një nga universitet publike (mund ti dorëzoni personalisht ose nëpërmjet një përfaqësuesi të autorizuar me prokurë nga ana juaj) duhet një dokumentacioni tillë: dokument identifikimi (pasaportë ose kartë identiteti). Në dosje mbahet vetëm fotokopja. Fotokopja e noterizuar e Maturës Shtetërore së bashku me certifikatën e notave. Deklaratën të cilën e gjeni në udhëzimin e plotë, duhet ta printoni dhe plotësoni te sekretaritë e degës së studimit ku do të regjistroheni. Pas deklaratës së shkruar bëhet regjistrimi menjëherë në portalin U-Albania dhe firmoset nga sekretarja dhe aplikanti në dy fotokopje formulari i printuar nga sistemi, një prej të cilave i jepet aplikantit. Nëse nuk regjistroheni brenda afateve humbisni të drejtën e aplikimit në raundin e parë dhe keni të drejtë të aplikoni në raundin e dytë.

Aplikimet

Raundi i dytë i aplikimeve në universitet do të nisë në datat 19-21 shtator, ku aplikimi sërish do të bëhet online. Edhe në këtë raunde maturantët kanë të drejtë të zgjedhin 10 programe studimi. “Në periudhën 19 shtator-21 shtator 2019 do të kryhet procesi i aplikimit online për raundin e dytë në Portalin U-Albania. Kanë të drejtë të aplikojnë, duke përzgjedhur deri në 10 programe studimi, të gjithë maturantët/kandidatët, të cilët kanë plotësuar formularin AI/A1Z dhe rezultojnë kalues në provimet e Maturës Shtetërore, por që: a) nuk kanë arritur të aplikojnë në raundin e parë; b) kanë kryer procesin e aplikimit online në raundin e parë dhe nuk janë shpallur fitues;c) kanë kryer procesin e aplikimit online në raundin e parë dhe nuk kanë arritur të regjistrohen; ç) janë çregjistruar pas përfundimit të raundit të parë”, nënvizon urdhri. Sa i takon procedurave të aplikimit, si fillim ata duhet të çregjistrohen nga raundi i parë dhe të kryejnë pagesën. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 17 shtator 2019, në portalin U- Albania.

Nëpërmjet një udhëzimi, ministria sqaron se maturantët kanë edhe të drejtën e animimit të rezultateve pas fazës së palikimve në tre raundet. Për raundin e parë, pavarësisht paraqitjes së ankesës, nëse janë shpallur fitues në një ose disa programe të tjera studimi, mund të vijojnë procedurat e regjistrimit. Nëse ankesa e tyre është pranuar, ata duhet të çregjistrohen nga programi i studimit (nëse janë regjistruar) dhe të regjistrohen në programin e studimit, në të cilin është pranuar ankimimi, në datën 16 shtator 2019. Në raundin e dytë, bëhet me dije se në datat 23- 26 shtator 2019 çdo aplikant duhet të shikojë në faqen e internetit të IAL-ve ose të paraqitet në sekretaritë mësimore të fakulteteve për të parë renditjen e listës së fituesve. Bazuar në urdhrin e nxjerrë, aplikantët kanë të drejtën e ankimimit në IAL, në datën 27 shtator 2019. IAL, pas përfundimit të afatit të ankimimit dhe shqyrtimit të ankesave, përcjellin zyrtarisht në RASH, në datat 28 – 29 shtator 2019, vendimet lidhur me ankimimet e aplikantëve, si dhe 1 pasqyrojnë këto vendime, në format elektronik, brenda po kësaj date, në portalin U-Albania.

Bëjeni Share që të informoni shokët: Share-512.png

 

 

Dokumentet për Regjistrim në Universitet, Matura 2019

Bëjeni Share që të informoni shokët: Share-512.png

Për regjistrim (mund ti dorëzoni personalisht ose nëpermjet një përfaqësuesi të autorizuar me prokurë nga ana juaj) duhet ky dokumentacion:
– dokument identifikimi (pasaportë ose kartë identiteti). Në dosje mbahet vetëm fotokopja.
– fotokopja e noterizuar e Maturës Shtetërore së bashku me certifikatën e notave.
– deklaratën të cilen e gjeni në udhezimin e plotë, duhet ta printoni dhe plotësoni te sekretaritë e degës së studimit ku do të regjistroheni.
Pas deklaratës së shkruar bëhet regjistrimi menjëherë në portalin U-Albania dhe firmoset nga sekretarja dhe aplikanti në dy fotokopje formulari i printuar nga sistemi, një prej të cilave i jepet aplikantit.
Nesë nuk regjistroheni brenda afateve humbisni të drejtën e aplikimit në raundin e parë dhe keni të drejtë të aplikoni në raundin e dytë.

Bëjeni Share që të informoni shokët: Share-512.png

 

UT shpall emrat e maturantëve fitues, listat janë paraprake

Bëjeni Share që të informoni shokët: Share-512.png

Universitetet/ Rritet numri i kërkesave për të studiuar në fakultetin e Ekonomisë, mbetet e balancuar në fakultetet e tjerët të UT-së. Përcaktimi i tarifave në dorë të qeverisë. Më 2 shtator nis regjistrimet për fituesit

Enida Vërça

“Ulja e tarifave për studentët është në dorë të qeverisë”, kështu u shpreh dekani i fakultetit të Ekonomisë të Universitetit të Tiranës, Dhori Kule në një konferencë për me mediat. Nga ambientet e këtij fakulteti, së bashku me dekanin e fakultetit të Drejtësisë, Artan Hoxha, dekanin e Shkencave Sociale, Edmond Rapti dhe atë të Gjuhëve të Huaja, Artur Sula, dekanët e Universitetit të Tiranës, sqaruan ditën e djeshme vendimin e Senateve Akademike, për tarifa të plota studimi si dhe fazën mbi të cilën ndodhen aplikantët që kanë kandiduar pranë këtyre fakulteteve. “Qeveria ka deklaruar që të vazhdojë të njëjtën politikë me tarifat. Do të subvencionojnë gjysmat e tarifave, praktikë dhe politikë që e ka ndjekur vitin e kaluar. Senati Akademik ka bërë detyrën që i takon, pjesën tjetër është përgjegjësi e qeverisë, e cila e ka konfirmuar që do ta vazhdojë”, saktësoi ai. Më tej ata bënë të ditur se aplikantët e këtij vit kanë një nivel mjaft të lartë të mesatares dhe se disa programe studimi në degët përkatëse do të kenë ndryshime.

Numri i aplikimeve

Dekani i Fakultetit të Ekonomisë, Dhori Kule, në fjalën e tij po ashtu bëri me dije se numri i aplikimeve në degët e këtij fakulteti shënon një rritje me 1200 aplikime më shumë se një vit më parë. “Janë mbi 21,523 aplikime në Fakultetin e Ekonomisë dhe shpejt do të bëhen publike listat e fituesve të raundit të parë. Deri në 30 gusht do ti shohin rezultatet. Nëse konfirmohen pasaktësi kanë të drejtë ankimimi deri në 30 gusht. Në datat 31 gusht- 1 shtator shpallen rezultatet e ankimimeve. Raundi i parë fillon më 2 shtator-15 shtator. Ka 7 faza 48 orëshe, të mos shqetësohen që fazën e parë apo të dytën nuk e shohin veten fitues. Shpërndarje e më të mirëve do të bëjë që të vijë radha në fazat e tjera. Në katër degët e veta aplikimet fillojnë mesataren 9.9. Ata që janë me mesataren poshtë kësaj të fundit nuk duhet te jenë pesimistë, sikur të regjistrohen të gjithë mbeten 360 vende”, sqaroi ai për mediat. Në këtë konferencë e cila zgjati më shumë se 30 minuta, Kule u shpreh se kërkesa për tu regjistruar në fakultetin e Ekonomisë vjen çdo vit duke u rritur. “Mund të ketë shumë polemika, por ka një të vërtet të madhe që ky fakultet ka cilësi në çdo drejtim, ndaj ka një kërkesë të lartë për të qenë pjesë e tij”, tha ai.

Gjuha angleze

Në fjalën e tij, Kule tha se këtë vit kurrikulat e studimit në fakultetin e Ekonomikut do të pësojnë ndryshme. Në këtë mënyrë, të gjitha lëndët e këtyre degëve do të kenë leksione edhe në gjuhën angleze. E gjithë kjo për të përvetësuar studentët dhe për t’i përgatitur ata për tregun ndërkombëtar. Më tej shtoi se do të ketë binjakëzime me fakultet evropiane. “Ashtu si çdo vit, do të kemi shkëmbime të përvojave mes fakultetin tonë dhe atyre në Evropë, për të ndihmuar sa më shumë studentët të cilët e rinj që nisin fakultetin tani, por edhe për ata që aktualisht vazhdojnë studimet pranë këtij fakulteti”, përfundoi ai.

Fakulteti i Drejtësisë

Dekani i fakultetit të Drejtësisë, Artan Hoxha tha se ky fakultet vazhdon të ruajë të njëjtën kërkesë për të regjistrime nga maturantët, si një vit më parë. Ashtu si te Ekonomiku edhe në këtë fakultet, aplikantët janë me një mesatare të lartë. “188 maturantë janë me mesatare absolute, i fundit është me 9.71”, bëri me dije ai. Më tej shtoi se këtë vit do të ketë ndryshme në studimet e ciklit të dytë, master, ku për herë të parë do të nisë masteri i integruar 5-vjeçar. “Sot kemi një sfidë që do të ecim me dy programe paralele,  me programin e vjetër bachelor, master. Po ashtu dhe me programin e ri, që studentët që hynë për herë të parë këtë vit do të kenë të drejtë të fillojnë masterin e integruar 5-vjeçar. Sa i takon aplikimeve, tashmë e dimë që janë me tre raunde. Maturantët duhet të tregohen të vëmendshëm dhe të ndjekin sipas rregullit hap pas hapi çdo procedurë”, tha ai. Një tjetër pikë në të cilën u ndal dekani, ishte edhe ankimimi i rezultateve, për çdo maturantë të pakënaqur. “Raundi i parë i regjistrimeve do të nisë më 2 shtator. Maturantët që mendojnë se nuk janë vlerësuar siç duhet, kanë të drejtë të bëjnë ankimimin deri në fund të muajit gusht”, saktësoi ai.

Shkencat dhe Gjuhët e Huaja

Teksa dekani i Ekonomikut dhe Drejtësisë, në këtë konferencë foli për prurje të larta të të rinjve, me rezultatet mbi mesataren, në fakultetin e Shkencave Sociale dhe atë të Gjuhëve të Huaja nuk paraqitet e njëjta situatë. Kështu, dekanët pohuan se në këto dy fakultete, maturantët janë me mesatare mbi 7.5. Sa i takon interesit për t’u regjistruar në këto dy fakultete, në vija të përgjithshme aplikimet mbeten thuajse të njëjta me vitin që lamë pas.

Subvencionimi

Kërkesës së vazhdueshme nëse tarifat do të jenë të plota apo jo për vitin e ri akademik, Ministria e Arsimit iu përgjigjes se qeveria shqiptare do të vazhdojë të subvencionojë tarifat dhe bursat. “Tarifat mbesin, por subvencionimi nga ana jonë nuk do të ndalet në mënyrë që t’u vihet në ndihmë studentëve shqiptarë, ashtu sikurse është zotuar në kuadër të “Paktit për Universitetin”. Kujtojmë se që në fillim të tij, “Pakti për Universitetin” solli mbi 2.3 miliard lekë subvencionim pako financiare nga ana a qeverisë shqiptare duke i sjellë përfitim direkt mbi 99 mijë studentëve nga të cilët: 75 mijë studentë kanë përfituar reduktim tarife me 50%;  5,500 studentë janë përjashtuar nga tarifa e studimit (mesatarja 9-10);  mbi 10 mijë studentë janë përjashtuar nga tarifa e shkollimit (kategoritë në nevojë); rreth 11 mijë studentë kanë përfituar bursa prej 10 mijë lekësh në muaj (studentë nga kategoritë në nevojë dhe ato me mesataren 9-10)”, u shpreh dikasteri i ministrisë. Po ashtu nënvizojë se shumë shpejt do të ketë edhe ndryshime të tjera në VKM për të përfshirë edhe kategori të tjera që nuk kanë qenë më përpara.

Ankimimi i rezultateve për aplikantët

Qendra e Shërbimeve Arsimore, nëpërmjet një urdhri, sqaron maturantët se pas fazës së aplikimit në tre raunde, ata kanë të drejtën të ankimojnë përzgjedhjen e tyre. Në këtë mënyrë mësohet se aplikantët, për raundin e parë, pavarësisht paraqitjes së ankesës, nëse janë shpallur fitues në një ose disa programe të tjera studimi, mund të vijojnë procedurat e regjistrimit. Nëse ankesa e tyre është pranuar, ata duhet të çregjistrohen nga programi i studimit (nëse janë regjistruar) dhe të regjistrohen në programin e studimit, në të cilin është pranuar ankimimi, në datën 16 shtator 2019. Në raundin e dytë, bëhet me dije se në datat 23- 26 shtator 2019 çdo aplikant duhet të shikojë në faqen e internetit të IAL-ve ose të paraqitet në sekretaritë mësimore të fakulteteve për të parë renditjen e listës së fituesve. Bazuar në urdhrin e nxjerrë, aplikantët kanë të drejtën e ankimimit në IAL, në datën 27 shtator 2019.

IAL, pas përfundimit të afatit të ankimimit dhe shqyrtimit të ankesave, përcjellin zyrtarisht në RASH, në datat 28 – 29 shtator 2019, vendimet lidhur me ankimimet e aplikantëve, si dhe 1 pasqyrojnë këto vendime, në format elektronik, brenda po kësaj date, në portalin U-Albania. “Për arsimin e lartë dhe shkencor në institucionet e arsimit të lartë në Republikën e Shqipërisë’”, të Vendimit të Këshillit të Ministrave nr. 295, datë 10.05.2019, “Për përcaktimin e kriterit të notës mesatare për pranimin e kandidatëve në programet e studimeve të ciklit të parë dhe në programet e integruara të studimeve të ciklit të dytë, ose transferimin e studimeve në vitet e ndërmjetme të këtyre programeve, në institucionet e arsimit të lartë, për vitin akademik 2019-2020” dhe të udhëzimit nr.5, datë 15.05.2019, “Për procedurat e aplikimit dhe të regjistrimit në programet e ciklit të parë të studimeve, në programet e studimeve me karakter profesional, si dhe në programet e integruara të ciklit të dytë të studimeve, në institucionet e arsimit të lartë’’,urdhëroj:1. Miratimin e kalendarit “Për procedurat e aplikimit dhe të regjistrimit në programet e ciklit të parë të studimeve, në programet e studimeve me karakter profesional, si dhe në programet e integruara të ciklit të dytë, në institucionet e arsimit të lartë për vitin akademik 2019-2020” Ngarkohen për zbatimin e këtij urdhri Qendra e Shërbimeve Arsimore, Qendra Ndërinstitucionale e Rrjetit Akademik Shqiptar, Drejtoritë Rajonale dhe Zyrat Vendore të Arsimit Parauniversitar dhe IAL publike dhe jopublike”.

Bëjeni Share që të informoni shokët: Share-512.png

Aplikimet për në Universitet u mbyllën, në 1 shtator shpallen fituesit

Bëjeni Share që të informoni shokët: Share-512.png

24 mijë maturantë mbyllën aplikimet për në Universitet dhe fituesit do të shpallen në datën 1 shtator. Menjëherë pas rezultateve do të nisë regjistrimi, në datën 2 shtator, pranë Universiteteve përkatëse.

“Aplikimet kanë mbaruar. Kanë pasur një periudhë 6 ditore që ka qenë në dispozicion të maturantëve për të aplikuar. Ka qenë një numër i mirë maturantësh që kanë shprehur dëshirën për të aplikuar në Universitet, rreth 24 mijë të tillë. Nga të cilët 96 % e tyre plotësuan formularin A2 dhe janë pjesë e procesit. Më 25 Gusht do të fillojë shkarkimi i të gjitha të dhënave të studentëve nga Universitetet provate dhe publike që nuk kanë pasur konkurse. Universitete do të kenë kohë 6 ditë për të përpunuar të dhënat dhe për të nxjerrë renditjen. Me përfundimin e procesit të llogaritjes së rezultateve dhe nxjerrjes së renditjes përfundimtare për çdo program studimi, ringarkohen në sistem dhe të dhënat do të jenë publike më 1 shtator. Vetëm nëpëmrjet ID-s, maturanti mund të futet në sistem do të shikojë ku ka fituar”,tha Arjan Xhelaj drejtori i RASH (Rrjetit Akademik Shqiptar).

Bëjeni Share që të informoni shokët: Share-512.png

Universitet për ish-maturantët, plotësohet formulari A1Z

Bëjeni Share që të informoni shokët: Share-512.png

Nis aplikimi me formularin A1Z nga sot deri më 23 gusht. Aplikojnë të gjithë ata që kanë përfunduar Maturën Shtetërore para vitit 2019. Mundësi edhe për gjimnazistët që kanë mbaruar shkollën e mesme jashtë vendit

Të gjithë maturantët të cilët kanë përfunduar Maturën Shtetërore para vitit 2019 dhe që dëshirojnë të ndjekin studimet e larta për vitin e ri akademik 2019-2020, kanë tre ditë kohë të plotësojnë formularin A1Z. Pra, duke nisur prej ditës së sotme deri më 23 gusht, aplikantët duhet të plotësojnë këtë formular, duke pasur kështu mundësinë e nisjes së garës për në universitetet. Nëpërmjet një udhëzimi nga Qendra e Shërbimeve Arsimore (QSHA), mësohet se ashtu si plotësimi i formularit A1 edhe A1Z do të bëhet në rrugë elektronike. “Plotësimi i Formularit A1Z fillon në Portalin Qeveritar e-albania, dhe përfundon në shkollë në portalin e Maturës”, sqaron udhëzimi.

Plotësimi

Kush e plotëson formularin A1Z? Janë tre grupe maturantësh të cilët kanë të drejtë të aplikojnë online në formularin A1Z. Pra, formulari A1Z mund të plotësohet nga kandidatët që kanë përfunduar shkollën e mesme para vitit 2019 dhe që kanë detyrim për të dhënë një, ose disa provime të Maturës Shtetërore. Të drejtën e plotësimin të këtij formulari e gëzojnë edhe kandidatët që kanë kryer shkollën e mesme jashtë vendit dhe që kanë kryer njehsimin e diplomës në komisionin përkatës në QSHA, dhe që rezultojnë se kanë detyrim për të dhëne një, ose disa provime të Maturës Shtetërore. Formularin e plotësojnë edhe kandidatët që kanë përfunduar shkollën e mesme në Shqipëri ose jashtë vendit, që nuk kanë detyrim për të dhënë provime të Maturës 2019, por që dëshirojnë të vazhdojë studimet në Institucionet e Arsimit të Lartë.

Dokumentet

Për të plotësuar formularin A1Z secili kandidat duhet të paraqesë tek mbikëqyrësi i këtij formulari një vërtetim të lëshuar nga shkolla, në të cilën deklarohet se kandidati ka përfunduar gjimnazin dhe ka marrë me sukses të gjithë provimet e maturës.  “Të dhënat shkollore do të plotësohen në bashkëpunim me mbikëqyrësin e sallës ku behet aplikimi. Për plotësimin e saktë të kërkesave të këtij grupimi, kandidati/kandidatja dhe mbikëqyrësi duhet të marrin informacion të saktë dhe te plotë për rubrikat përkatëse”, sqaron mes të tjerash udhëzimi.  Provimet e detyruara dhe vlerësimet e shkallëzuara të secilit provim, nëse ato rezultojnë të fituara nga kandidati, si dhe provimin me zgjedhje që dëshiron të mbartë dhe vlerësimin e shkallëzuar të tij. Vërtetimi pas përfundimit të aplikimit i bashkëngjitet kopjes së formularit A1Z, që mban shkolla dhe dorëzohet në QSHA, 5 ditë pas përfundimit të aplikimeve.

Të dhënat personale

Një tjetër pikë në plotësimin e këtij formulari janë edhe të dhënat personale. Në këtë mënyrë, tek pika 1 e formularit A1Z, (numri personal i letërnjoftimit (ID)), kandidati/kandidatja shënon numrin e tij personal qe ka ne dokumentin e identifikimit.  “Ky informacion është i detyrueshëm dhe pa plotësuar atë nuk mund të vijohet me aplikimin. Për të dhënat në pikat 2-5 të formularit A1Z, pas plotësimit nga kandidati/kandidatja, sistemi bën verifikimin e tyre dhe nuk lejon të vazhdohet aplikimi, nëse ka pasaktësi”, nënvizon udhëzimi. Më tej thuhet se kandidati/kandidatja shënon në fushat përkatëse adresën e email-it dhe numrin e telefonit, të cilat duhet të ruhen të pandryshuara deri në fund të Maturës Shtetërore 2019, me qëllim që kandidati të marrë informacion për faza të ndryshme të procesit.

Provimet  

Kandidatët e viteve të shkuara që rikthehen në garë për studimet e larta nuk janë të detyruar që të japin provime të detyruara në rastin kur gjatë viteve të shkuara kanë rezultuar kalues në to. Kjo gjë konfirmohet gjatë plotësimit të formularit A1Z ku shënohen edhe tre lëndët e detyruara, përbri të cilave plotësohet nota e përshkallëzuar që kandidati ka fituar, ose që i njihet, apo i është konvertuar nga komisionet përkatëse, si lëndë D1, D2, apo D3. Sa i takon provimit të detyruara të gjuhës së huaj në udhëzuesin e plotësimit të formularit A1Z bëhet e ditur se kandidatët e maturave të para 2014 nuk kanë detyrim për të dhënë provimin D3. Gjatë plotësimit të formularit ky kandidat i maturës para 2014, zgjedh emërtimin “Nuk zgjedh” në fund të listës së lëndëve të gjuhëve të huaja. Kandidatët e Maturës Shtetërore 2014-2018, nuk lejohen të zgjedhin opsionin “Nuk Zgjedh “. Ata duhet të zgjedhin detyrimisht lëndën e gjuhës së huaj që do të japin provim, ose të deklarojnë lëndën e gjuhës së huaj dhe notën e shkallëzuar të saj, në rast se e kanë shlyer këtë provim. Në këtë udhëzim thuhet se për të gjithë kandidatët të cilët kanë përfunduar shkollat e mesme profesionale, duhet të mbartë lëndën e Teorisë Profesionale të integruar, nëse e ka dhënë dhe ka rezultuar kaluese. Nëse nuk e ka dhënë, ose ka rezultuar jo kalues duhet të rijapë një lëndë të Teorisë Profesionale të integruar, nga lista e lëndëve të miratuara për këtë vit. Nëse lënda me zgjedhje e mbartur është dhënë disa herë provim, do të mbartet nota e marrë në vitin e fundit.

Formulari A1Z

Formulari A1Z, u kërkon kandidatëve edhe të dhënat shkollore, se ku kanë përfunduar studimet aplikantët. Referuar udhëzimit thuhet se të dhënat shkollore do të plotësohen në bashkëpunim me mbikëqyrësin e sallës ku behet aplikimi.” Për plotësimin e saktë të kërkesave të këtij grupimi, kandidati/kandidatja dhe mbikëqyrësi duhet të marrin informacion të sakte dhe të plotë për rubrikat përkatëse. Plotësohen nga kandidati  (emri i qytetit/fshatit), kandidati/kandidatja shënon emrin e qytetit/fshatit, ku ndodhet shkolla, ku ai/ajo ka studiuar. – Tek pika 9 e formularit A1Z: (emri i shkollës ku ka studiuar), kandidati/kandidatja shënon emrin e shkollës, ku ai/ajo ka përfunduar studimet.

Mbartja e lëndëve me detyrim dhe zgjedhje

Kandidati zgjedh nga lista lëndën me zgjedhje që do të mbartë dhe shënon vitin kur e ka dhënë dhe notën e shkallëzuar që e ka fituar, që i njihet, apo i është konvertuar nga komisionet përkatëse, për këtë lëndë. Kandidati që në maturat shtetërore 2012-2018 ka dhenë 2 lënde me zgjedhje dhe është shpallur kalues në njërën prej tyre do ta mbartë atë. Kandidati që në maturën shtetërore 2012 ka dhëne 3 lëndë me zgjedhje dhe është shpallur kalues në dy prej tyre mund të mbartë vetëm njërën lëndë përzgjedhja e të cilës bëhet sipas dëshirës. Ndërsa kur ka qenë kalues vetëm në njërën nga lëndët me zgjedhje të kësaj mature, nuk mund ta mbartë atë. Në këto raste kandidati duhet që të rijapë një lëndë me zgjedhje, nga lista e lendeve të miratuara për maturën e këtij viti. Kandidati i lind e drejta të zgjedh nga lista lëndën me zgjedhje Z që do të mbartë dhe shënon vitin kur e ka dhe si dhe notën e shkallëzuar që e ka fituar, që i njihet, apo i është konvertuar nga komisionet përkatëse, për këtë lëndë. Për kandidatët që në maturat shtetërore 2012-2018 ka dhënë dy lëndë me zgjedhje dhe janë shpallur kalues në njërën prej tyre do ta mbartet vetëm ajo që nuk kanë kaluar, referuar udhëzimi  të ndryshuara Nr. 3, date 14.02.2018. “Kandidati/kandidatja, që në maturën shtetërore 2012 ka dhënë 3(tre) lëndë me zgjedhje dhe: Është shpallur kalues në dy prej tyre do të mbarte njërën prej tyre (sipas dëshirës). (Udhëzimi Nr. 3 (pika 6, germa b), date 14.02.2018, i ndryshuar). – Është shpallur kalues në njërën prej tyre nuk mund ta mbartë atë. Ai/ajo duhet të rijapë një lende me zgjedhje, nga lista e lendeve me zgjedhje”, sqaron udhëzimin.

Lëndët me zgjedhje

Kandidatët që kanë mbartur nga matura e viteve 2006-2018 një lëndë me zgjedhje, nuk do të japin  provim me zgjedhje. “Kandidati/kandidatja, që ka marrë dëftesë pjekurie para vitit 2011, dhe dëshiron të aplikojnë për studime në institucionet e Arsimit të Lartë (IAL) por nuk ka mbartur lëndë me zgjedhje, nga matura e viteve 2006-2018, nuk janë të detyruar të japin lëndë me zgjedhje,  kanë të drejtë të japin një provim me zgjedhje, kur e kanë të nevojshme për të plotësuar kriteret e pranimit të përcaktuar nga institucionet e Arsimit te Lartë (IAL), referuar këtu rregullores për zhvillimin e provimeve të Maturës Shtetërore 2019”. Ndërkohë për kandidatët, që nuk ka mbartur lëndë me zgjedhje nga maturat e viteve 2012-2018, duhet të zgjedh për të dhënë provim një lëndë me zgjedhje, nga lista e lendeve me zgjedhje, në përputhje me Udhëzimin Nr. 3, date 14.02.2018, “Per organizmin dhe zhvillimin e provimeve kombëtare të MSH 2019”, i ndryshuar dhe Udhëzimin e përbashkët të Ministrisë se Financave dhe Ekonomisë dhe Ministrisë së Arsimit, Sportit dhe Rinisë, “Për organizimin dhe zhvillimin e provimeve kombëtare të MSH Profesionale 2019. Edhe për lëndët me zgjedhje kandidati i cili ka mbaruar në shkollat e arsimit profesional, i cili nuk ka të mbartur lëndë të Teorisë Profesionale të Integruar, duhet të zgjedhë nga lista e grupit të tret “Teori Profesionale të Integruar” lëndën që i përket indeksit të profilit apo degës që ka kryer në shkollën e mesme.

Bëjeni Share që të informoni shokët: Share-512.png

Regjistrimi në universitete, kandidatët në fazën e aplikimit online

Bëjeni Share që të informoni shokët: Share-512.png

Për të ndjekur studimet në institucionet e arsimit të lartë, maturantët kanë aplikuar në portalin U-albania, duke kryer më parë pagesën e tarifës së aplikimit në vlerën 2000 lekë në zyrat e Postës shqiptare nga data 27 qershor deri më 25 korrik.

Rezultatet gjatë tri viteve të gjimnazit dhe notat e 4 provimeve të maturës shtetërore janë kriteret kyçe për pranimin në universitet të maturantëve .

Portali U-albania nuk do të pranoje aplikime nga maturantet, të cilët nuk plotësojnë edhe kriterin e notës mesatare, që sipas vendimit të këshillit të ministrave është rritur nga 7 në 7.5 për mësuesinë, ndërsa nga 6 në 6.5 për programet e tjera të studimit.

Aktualisht, kandidatët janë në fazën e aplikimit online për degët e studimit përmes portalit U-transparenca. Pas përllogaritjes së pikëve për çdo konkurrent,universitetet afishojnë në ambientet e tyre dhe faqet zyrtare listat e renditjes.

Në datat 2 deri 15 shtator, fituesit paraqesin në sekretaritë mësimore të fakulteteve dokumentacionin përkatës dhe regjistrohen, nga ku bëhen zyrtarisht studentë.

 

Bëjeni Share që të informoni shokët: Share-512.png