Rritja e mesatares mbyll disa degë te Gjuhët e Huaja

Bëjeni Share që të informoni shokët: Share-512.png

Alarmi të Fakulteti i Gjuhëve të Huaja, gjysma e kuotave nuk plotësohen, për shkak të mesatares së lartë, të vendosur si kriter. Dekani, Artur Sula kërkon ndërhyrjen e Ministrisë së Arsimit, për të zgjidhur të situatës

Enida Vërça

Vendimi mbi rritjen e mesatares në 7.5 për të vazhduar studimet e larta në degën e mësuesi ka penalizuar një numër të lartë maturantësh, të cilët nuk kanë arritur të jenë pjesë e listave ftuese, duke krijuar kështu një boshllëk të madh në kuotat e mbetura për raundin e tretë. Situata më problematike mbetet në fakultetin e Gjuhëve të Huaja, në Universitetin e Tiranës, ku disa degë rrezikojnë të mbyllen. I ndodhur në këto kushte, dekani i këtij fakulteti, Artur Sula kërkon ndërgjegjësim dhe ndërhyrje të menjëhershme të Ministrisë së Arsimit. “Ne nuk jemi një fakultet i mirëfilltë mësuesie, ne jemi një fakultet i cili i jep një formim të gjerë studentëve, të cilët nuk dalin vetëm mësues. Kemi një kontingjent me 1/3 që vazhdojnë masterin për mësuesi më pas kemi drejtime të tjera si: Komunikim turistik kulturor, Përkthim, Interpretim  që në këtë rast ministria duhet të kishte marrë masa. Në këtë rast Ministria e Arsimit mund të japi një shans në raundin e tret ku të ndryshojë qasja ndaj fakultetit të Gjuhëve të Huaja, duke e konsideruar jo fakultet i mirëfilltë mësuesi, pra të aplikohen mesataret siç janë në fakultet e tjera teknike apo profesionalizuese”, u shpreh ndër të tjera Sula.

Situata

Pas rezultateve të raundin të parë, ku aplikimet u zhvilluan në datat  2 deri 15 shtator 2019 (7 faza 48-orëshe; 02-03; 04-05; 06-07; 08-09; 10-11; 12-13 dhe 14-15), në këtë fakultet ka një numër të lartë të kuotave të cilat kanë mbetur bosh. Nga 810 kuota të lira, vetëm 405 kanë arritur të plotësohen. Më 30 shtator kanë nisur të regjistrohen në Universitete studentët që janë shpallur fitues në raundin e dytë të aplikimeve,  por dhe me përfundimin e kësaj faze Dekani Sula shpjegon se disa prej degëve do të kenë numër minimal studentësh. “Gjuha e parë e preferuar mbetet anglishtja, më pas gjermanishtja dhe ajo italiane. Ndryshe nga vitet e tjera, është dobët gjuha frënge. Për spanjisht kanë shprehur një interes shumë të vogël, ndërkohë rusishtja është gati e papërfillshme në preferencat e maturantëve” shpjegon ai. Ndërkohë në gjuhën ruse nuk ka asnjë student të regjistruar. Për greqisht kanë shprehur interesin të studiojnë vetëm katër persona, ndërsa për turqisht vetëm shtatë maturantë kanë shprehur dëshirën për të nisur studimet e larta në ambientet e këtij fakulteti.

Vendimi

UNIVERSITETI WISDOM (1)

Ndryshe nga sa ndodh me programet e tjera universitare, në degët e mësuesisë me një Vendim të Këshillit të Ministrave u vendos që maturantët mund të konkurrojnë nëse kanë mesatare të shkollës së mesme nga nota 7.5, e më lart. Kjo është mesatarja minimale që kërkohet për të qenë pjesë e garës për studimet e larta në këto degë, si në universitetet publike, ashtu edhe në ato private që funksionojnë në vendin tonë. Këshilli i Ministrave ka rishikuar listën e degëve të mësuesisë të cilat do të jenë në garë për pranimet e vitit të ri akademik 2019-2020. Sipas këtij vendimi, nota mesatare për pranimin në institucionet e arsimit të lartë do të përllogaritet si mesatare e thjeshtë e dy treguesve, që janë: mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm të lartë, si dhe mesatarja aritmetike e thjeshtë e notave të provimeve të Maturës Shtetërore. Qëllimi i këtij vendimi  tha ajo është përmirësimi i cilësisë së mësimdhënies si dhe kthimi i dinjitetit të mësuesit. “Kemi një numër të mësuesve në sistem që nuk janë të nivelit që duhet të jetë një mësues. Problemi i mësuesve në sistem është se nuk ka një mekanizëm që ata pastaj të dalin nga sistemi. Vitin akademik 2018-2019 rritëm notën mesatare për pranim në programet e mësuesisë nga 6 në 7. Sivjet e çuam në 7.5 me idenë që vitin tjetër do ta çojmë në 8”, u shpreh ministrja e Arsimit, Besa Shahini pas këtij vendimi. Ndërkohë për për të gjitha degët e tjera (përjashtuar ato të mjekësisë), qeveria ka vendosur se në garë për studimet universitare përgjatë vitit të ri akademik kanë të drejtë të hyjnë vetëm maturantët dhe kandidatët e viteve të mëparshme që kanë mesatare të shkollës së mesme duke nisur nga nota 6.5 e në vijim. Ndërsa në degët e mjekësisë mund të garojnë vetëm maturantët që kanë mesatare të shkollës së mesme mbi notën 8. Kjo mesatare ndryshon në varësi të degës së përzgjedhur.

Universiteti i Elbasanit

Mesatarja mbi 7.5 e vendosur për maturantët që duan të aplikojnë në degën e mësuesisë ka sjellë pasoja të rënda edhe në Universitetit te Elbasanit “Aleksandër Xhuvani”.  Pas afishimit të fituesve të këtij viti në raundin e parë, shifrat janë tepër shqetësuese. Me vështirësi u mbushen kuotat minimale të vitit të kaluar ku mesatarja ishte mbi 7, dhe listat e këtij viti, kur mesatarja është 7.5, kanë rezultuar me 30-50 % rënie të numrit të aplikantëve, duke rrezikuar mbylljen e disa degëve si: Matematikë-Fizikë, Matematikë – Informatike, Fizikë Kompjuterike, Histori- Gjeografi, Gjuhë-Letërsisë, Gjuhe Italiane, Gjuhe shqipe dhe Frënge, Histori dhe Gjuhe Gjermane, Arsimi Parashkollor, Administrim Biznesi dhe Inxhinieri, Ekonomi Turizëm. Nga parashikimet e këtij viti pritet te mbyllen thuajse të gjitha degët e mësuesisë të cilat zënë rreth 50% të numrit total të degëve në këtë universitet.

Bëjeni Share që të informoni shokët: Share-512.png

Publikimi i listave të Fituesve – Raundi Dytë

Në datat 23 – 26 shtator 2019, IAL afishojnë dhe publikojnë listat e renditjes së aplikantëve, duke përdorur si element identifikimi vetëm ID-në e tyre, në mënyrë që të respektohen përcaktimet e kuadrit ligjor për mbrojtjen e të dhënave personale.

Brenda datës 26 shtator 2019, IAL ngarkojnë një kopje elektronike të këtyre listave nëportalin U-Albania.

Në datën 27 shtator 2019 renditja e të gjithë kandidatëve bëhet publike në portalin U-Albania sipas programeve të studimit për cdo IAL.

Listat e fituesve të publikuara nga secili Universitet do t’i gjeni këtu – Fituesit në IAL -Raundi 2

Raundi i dytë, 1763 kuota në Universitetin e Tiranës për 6 fakultetet

Bëjeni Share që të informoni shokët: Share-512.png

Sot nisi raundi i dytë i aplikimit në universitete për të gjithë maturantët që nuk arritën të fitonin apo nuk ishin të kënaqur me degën që përzgjodhën në raundin e parë. Burime nga universiteti i Tiranës zbardhin për “Gazeta Shqiptare” numrin e kuotave të lira në 6-të fakultetet e këtij institucioni arsimor si dhe në filialin e tij në Sarandë. Ndërkohë rektori i Universitetit të Mjekësisë, Arben Gjata bën me dije për GSH se në këtë universitet nuk ka më kuota të lira pasi janë plotësuar të gjitha në raundin e parë. “Në Universitetin e Mjekësisë nuk ka më kuota të lira, janë plotësuar gjatë aplikimeve në raundin e parë”,-thotë Gjata. ‘Gazeta Shqiptare’ zbardh sot edhe numrin e kuotave të lira për Universitetin Bujqësor të Tiranës për të 5-ta fakultetet. Përkatësisht studentët në raundin e dytë do të kenë mundësinë të aplikojnë për 1763 vende të lira ndërsa në universitetin Bujqësor për 822 kuota boshe. Ndërkohë 3 ditë më parë, ishte faza e fundit e raundit të parë për procesin e regjistrimeve në universitete për vitin e ri akademik 2019-2020.

Në fund të përfundimit të fazës 14 ditore të regjistrimeve të fituesve të raundit të parë, do të bëhen edhe verifikimet përkatëse në lidhje me numrin e kandidatëve të regjistruar në secilin program studimi të universiteteve publike, duke identifikuar kështu edhe vendet e mbetura bosh, kuota të cilat do të jenë pjesë e raundit të dytë të pranimeve që do të zhvillohet në mes të muajit shtator. Aplikimet për raundin e dytë do të zhvillohen sërish online me plotësimin e një tjetër formulari preferencash duke nisur nga data 19 shtator dhe për të përfunduar në 21 shtator. Në këtë raund do të aplikohet për vendet mbetura bosh nga mbyllja e regjistrimeve të listës së fituesve të fazës së pare, çka do të thotë se maturantët në këtë raund do të jenë më të kufizuar në përzgjedhjen e degëve më të preferuara. Në raundin e dytë kanë të drejtë të aplikojnë të gjithë ata maturantë që nuk kanë mundur të aplikojnë në raundin e parë dhe të gjithë ata që kanë aplikuar, por nuk janë shpallur fitues. Gjithashtu, në këtë raund mund të aplikojnë sërish të gjithë kandidatët që kanë kryer aplikimin, por nuk kanë arritur të regjistrohen si dhe ata që janë çregjistruar nga një program studimi. Kandidatët kanë të drejtë që të përzgjedhin deri në 10 preferenca me të cilat do të konkurrojnë për të fituar studimet e larta përgjatë vitit të ri akademik, qofshin këto degë të universiteteve publike, apo private. Vetëm kandidatët që janë pajisur me dokumentacionin ligjor, që fakton përfundimin e shkollës së mesme, që kanë mesatare të shkollës së mesme mbi notën 6,5, si dhe që plotësojnë kriteret e tjera shtesë që mund të kenë vendosur vetë universitetet për programet që ofrojnë.

Bëjeni Share që të informoni shokët: Share-512.png

Regjistrohen 15 mijë studentë, raundi i dytë nis më 30 shtator

Bëjeni Share që të informoni shokët: Share-512.png

15 mijë studentë janë regjistruar në universitet në raundin e parë. Në disa degë si mjekësia e përgjithshme dhe arkitektura janë ezauruar të gjitha kuotat.

Mjekësia e përgjithshme, mamia dhe arkitektura nuk do të kenë asnjë kuotë bosh në raundin e dytë të regjistrimeve. Po ashtu degë si stomatologjia, farmacia dhe infermieria do të kenë shumë pak vende të lira për maturantët.

Arjan Xhelaj: Stomatologjia ka vetëm 1 kuotë, farmacia 7, infermieria 2. Regjistrime të mira ka pasur dhe në Universitetin e Tiranës. Por ende ka më shumë kuota se sa studentë.

Drejtori i Rrjetit Akademik Shqiptar, Arjan Xhelaj, thotë se maturantët mund të informohen në portalin U-Albania për kuotat e lira.

Arjan Xhelaj: Çdo vit kemi pasur 7-8 mijë kuota më shumë sesa maturantë. Por duhet parë se ku janë këto vende bosh.

Aplikimet për formularin A3 do të nisin më 19 shtator dhe zgjasin 3 ditë, ndërsa raundi i dytë i regjistrimeve fillon më 30 shtator.

Bëjeni Share që të informoni shokët: Share-512.png

 

Raundi 2/ Procedurat e aplikimit dhe regjistrimit në IAL

Bëjeni Share që të informoni shokët: Share-512.png

Procedurat e aplikimit – Raundi i dytë

Në periudhën 19 shtator — 21 shtator 2019 do të kryhet procesi i aplikimit online për raundin e dytë në Portalin U-Albania. Kanë të drejtë të aplikojnë, duke përzgjedhur deri në 10 (dhjetë) programe studimi, të gjithë maturantëtikandidatët, të cilët kanë plotësuar formularin A1 / A1Z dhe rezultojnë kalues në provimet e Maturës Shtetërore, por që:

  • a. nuk kanë arritur të aplikojnë në raundin e parë,
  • b. kanë kryer procesin e aplikimit online në raundin e parë dhe nuk janë shpallur fitues,
  • c. kanë kryer procesin e aplikimit online në raundin e parë dhe nuk kanë arritur të regjistrohen,
  • d. janë çregjistruar pas përfundimit të raundit të parë.

Deri më datë 10 shtator 2019, nga drejtoritë e institucioneve arsimore, për të gjithë maturantët/kandidatët që kanë aplikuar me formularin A1 dhe A1Z, hidhen në Portalin Online të Maturantit të dhënat që lidhen me rezultatet e shkollimit të të gjitha viteve të arsimit të mesëm të lartë.

Maturantët/kandidatët që nuk kanë aplikuar në raundin e parë, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës
së aplikimit në vlerën 2000 (dymijë) lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin U-Albania. Maturantë/kandidatët që kanë aplikuar në raundin e parë dhe do të riaplikojnë në raundin e dytë, nuk duhet të kryejnë pagesën e tarifës së aplikimit për këtë raund. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 17 shtator 2019, në portalin U-Albania.

Përcjellja e të dhënave dhe rezultateve, procesi i përllogaritjes së pikëve dhe publikimi i listave të maturantëve) kandidatëve të renditur:

Brenda datës 16 shtator 2019, QSHA i përcjell RASH-it, në formë elektronike dhe zyrtarisht, të dhënat për çdo program studimi.

Në data 22 – 23 shtator 2019, IAL shkarkojnë nga portali U-Albania, listën e aplikantëve që kanë përzgjedhur ato programe studimit dhe të dhënat e tjera sipas udhëzimit.

Në datat 23 – 26 shtator 2019, IAL afishojnë dhe publikojnë listat e renditjes së aplikantëve, duke përdorur si element identifikimi vetëm ID-në e tyre, në mënyrë që
të respektohen përcaktimet e kuadrit ligjor për mbrojtjen e të dhënave personale. Brenda datës 26 shtator 2019, IAL ngarkojnë një kopje elektronike të këtyre listave në
portalin U-Albania. Në datën 27 shtator 2019 renditja e të gjithë kandidatëve bëhet publike në portalin U-Albania sipas programeve të studimit për cdo IAL.

Procesi i regjistrimit –  Raundi i dytë

Në datat 30 shtator deri 9 tetor 2019 (5 faza 48-orëshe: 30-01: 02-03: 04-05, 06-07 dhe 08-09), të gjithë aplikantët që kanë kryer procesin e aplikimit në raundin e dytë dhe janë shpallur fitues, mund të kryejnë procesin e regjistrimit pranë IAL, duke paraqitur dokumentacionin përkatës në sekretaritë mësimore, në programin e studimit ku dëshirojnë të vazhdojnë studimet.

Brenda datës 16 tetor 2019, RASH përcjell në QSHA, në format elektronik dhe hardcopy, regjistrimet përfundimtare të raundit të dytë.

Procesi i çregjistrimit – Raundi i dytë

Aplikanti, pasi ka bërë regjistrimin, duke paraqitur dokumentacionin përkatës dhe ka nënshkruar në regjistër, ka të drejtë të çregjistrohet vetëm më datë 10 tetor 2019.

Sekretaritë mësimore, pas çregjistrimit të aplikantëve dhe dorëzimit të dokumentacionit, i dërgojnë RASH-it, brenda datës 11 tetor 2019 -listën e aplikantëve të çregjistruar.

Procesi i ankimimit – Raundi i dytë

Në datat 23 — 26 shtator 2019 çdo aplikant duhet të shikojë në faqen e internetit të IAL-ve ose të paraqitet në sekretaritë mësimore të fakulteteve për të parë renditjen e listës së fituesve. Aplikantët kanë të drejtën e ankimimit në IAL, në datën 27 shtator 2019.

IAL, pas përfundimit të afatit të ankimimit dhe shqyrtimit të ankesave, përcjellin zyrtarisht në RASH, në datat 28 – 29 shtator 2019, vendimet lidhur me ankimimet e aplikantëve, si dhe i pasqyrojnë këto vendime, në format elektronik, brenda po kësaj date, në portalin U-Albania.

Aplikantët, pavarësisht paraqitjes së ankesës, nëse janë shpallur fitues në një ose disa programe të tjera studimi, mund të vijojnë procedurat e regjistrimit. Nëse ankesa e tyre është pranuar, ata duhet të çregjistrohen nga programi i studimit (nëse janë regjistruar) dhe të regjistrohen në programin e studimit, në të cilin është pranuar ankimimi, vetëm më datë 10 tetor 2019.

Bëjeni Share që të informoni shokët: Share-512.png