Qeveria u jep shans maturantëve: Heq mesataren 6.5 për Artet dhe Sportet

Bëjeni Share që të informoni shokët: Share-512.png

Janë talente në arte dhe sport por shpesh matematika u prish pune dhe nuk kapin dot mesataren e vendosur me ligj nga qeveria për të ndjekur studimet e larta.

Mesatarja nuk do të jetë më pengesë për maturantët të cilët aplikojnë për t’u pranuar në programet  e studimeve  pranë Universitetit të Arteve dhe atij të sporteve pasi nuk e kanë më detyrimin të plotësojnë kriterin e notës  mesatare 6.5

Qeveria ka hequr notën mesatare për të gjithë aplikuesit për programet e studimeve në fushën e Artit dhe të Sportit me anë të VKM-së numër 651.

I kontaktuar me telefon nga News 24, rektori i Universitetit të Arteve Kastriot Çaushi pohoi se konkursi do të vijoje të mbetet por nota mesatare 6.5 nuk është më kriter pranimi. Studentët këtu testohen për talentin e tyre që zë rreth 70% të vlerësimit ndërsa 30% e zinte nota mesatare.Beder programet (3)

Mësohet se kanë qene vete maturantët kandidatë tek Universiteti i Arteve të cilët i kanë drejtuar këtë kërkesë qeverisë dhe ministrisë së arsimit. Duket se kandidatët për tek Univeristeti i Arteve kanë “shpëtuar” dhe moshatarët që aspirojnë të jenë pjesë e Universitetit të Sporteve.

Sipas vendimit të qeverisë edhe kandidatët  nga  Kosova,  si dhe    ata me    origjinë    shqiptare    nga Maqedonia e Veriut, Mali i Zi, Presheva, Medvegja dhe  Bujanovci,  që  aplikojnë  për  t’u  pranuar  në programet  e  ciklit  të  parë  të  studimeve  dhe  në programet  e  integruara  të  studimeve  të  ciklit  të dytë,  nuk  kanë  detyrimin  të  plotësojnë  kriterin  e notës  mesatare ashtu si maturantet nga Shqiperia.

Universitet tashmë janë në raundin e tretë të regjistrimeve por për maturantët që synojnë artet dhe sportet duket se rregullat e “lojës” do të ndryshojnë për tu dhënë një shanc më shumë për të shfaqur talentin.

Burimi: BalkanWeb

Bëjeni Share që të informoni shokët: Share-512.png

Braktisen pyjet e detet, studentët nuk preferojnë profesionet për përpunimin e drurit

Përpunimi i drurit por edhe profesionet që prekin akuakulturën mbeten zanatet më të kërkuara në Bashkimin Evropian. Pavarësisht kësaj, të rinjtë shqiptar nuk i preferojnë ndaj dhe shumë degë në Universitetin Bujqësor të Tiranës rrezikojnë të mbyllen. Përkundrazi, ekonomi- financa vazhdon të ketë më shumë studentë.

 Specialistët e pyjeve i mungojnë tregut të punës, por pavarësisht kësaj të rinjtë duket se nuk kanë interes për të studiuar në programe të tilla.

Në Universitetin Bujqësor, degët e Fakultetit të Shkencave Pyjore si “Përpunim druri” dhe “Mbarështrim Pyjesh” këtë vit kanë një numër shumë të ulët të regjistruarish, përkatësisht 7 dhe 6 studentë.

Bahri Musabelliu: Mbase dhe nuk është informacioni i duhur sepse kohë më parë studentët mendonin se funksionin me këto Ndërmarrjet e Shërbimit Pyjor por sot kërkesa e tregut punës për këto profesione është goxha e madhe. Për inxhinierë pyjesh dhe inxhinierë të përpunimit të drurit sot ka nevojë pylltaria, industria e drurit, mjedisi.

Rektori, Bahri Musabelliu, thotë se edhe programi “Biologji Marine dhe Akuakulturë” rrezikon mbylljen pasi për të kanë shfaqur interes vetëm 3 studentë.

Bahri Musabelliu: Është një numër relativisht i ulët, besoj se mund të rritet numri sepse janë 37 aplikantë që presin.

Por ka disa programe që për raundin e dytë të regjistrimeve kanë një numër të kufizuar kuotash.

Bahri Musabelliu: Janë 8 kuota në menaxhim agro-biznesi,1 kuotë në ekonomi dhe politika zhvillimi rural, 4 kuota në financë-kontabiltet, 15 kuota në menaxhim turizmi rural,8 kuota në informatikë biznesi, 3 kuota në ekonomiksin e aplikuar. Këto janë degët më të kërkuara.

Në Universitetin Bujqësor janë regjistruar 1135 studentë, ndërsa mbeten të lira ende rreth 660 kuota.

Fakultetet, mesatarja rrezikon mbylljen e 87 degëve të studimit

 

Bëjeni Share që të informoni shokët: Share-512.png

Analiza e “Qëndresës Qytetare” mbi pranimin në universitete për vitin akademik 2019-2020. 5 fakultete dhe 87 degë në rrethe rrezikojnë të mbyllen. 50% e kuotave mbetën bosh. Shkak, rritja e mesatares dhe cilësia në arsim

Rritja e mesatares në 6.5 dhe 7.5 për degët e mësuesisë, si dhe emigrimi i të rinjve, në mungesë të një arsimi cilësor, për të vazhduar studimet e larta në vend, ka bërë që të rrezikojnë mbylljen 87 degë studimi dhe 5 fakultete në universitet publike. Të dhënat e publikuara ditën e djeshme, nga “Qëndresa Qytetare”, janë shqetësuese teksa tregojnë se 46% e degëve rezultojnë të mbyllura. Migen Qiraxhi nga “Qëndresa Qytetare” thotë për “Shekulli”- n se rreziku më i madh i mbylljes së degëve në rrethe, referuar edhe kontakteve me pedagogët, mbetet mesatarja dhe ndryshimi i rregullave të konkurrimit në universitet në muajin e fundit. “Sipas kontakteve tona me profesor të ndryshëm në rrethe, nota mesatare duket se ka qenë problemi kryesor për universitete e rretheve”, shprehet ai. Më tej thotë se mbyllja e degëve ka qenë prezentë edhe vitin që lamë pas, duke bërë përgjegjëse Ministrinë e Arsimit, e cila nuk ka marrë asnjë parandaluese .” Mbyllja e degëve është një fenomen që i ka shoqëruar universitetet e rretheve edhe vitin e kaluar, vitin 2018-2019 pra një vit më parë ne të njëjtën fazë ne vumë alarmin për 45 degë dhe asnjë masë nuk u mor dhe vijmë sot me dyfishim dhe në fjalor futet edhe riziku për fakultete, me këto rritem në vitet në vijim vihet në pikëpyetje dhe ekzistenca e universiteteve në rrethe!”,deklaron më tutje. Sipas tij rinia shqiptare është duke emigruar, pasi nuk gjejnë një arsim cilësor në vend.

UNIVERSITETI WISDOM (1)

Problemet

Referuar të dhënave të raundit të parë të regjistrimeve, sipas Rrjetit Akademik, 50% e kapacitete pritëse në universitet publike dhe ato private, deri më tani rezultojnë të paplotësuar. Një tjetër problem është edhe fakti i ndryshimit të rregullave për të konkurruar në universitet.” Është viti i 13 që rregullat e pranimit në universitete ndryshojnë muajin e fundit”. Po ashtu referuar të dhënave referuar të dhënave të Eurostat ku është mbështetur ky monitorim rezulton se vendi ynë është i vetmi i cili kufizohen nga mesatarja për të hyrë në universitet, përkatësisht 6.5 dhe 7.5 në lëndët e mësuesi në nivel bachelor. Më tej raporti thotë se Shqipëria ka përqindjen më të ulët të popullsisë me arsim të lartë në Evropë.

Degët

Degët e preferuara nga maturantët janë ato të cilat mundësojnë emigrimin duke siguruar një kontratë pune të rregullt në Evropë siç është infermieria, ku janë plotësuar të gjitha kuotat. Situata më problematike, paraqitet në rrethe. Në universitetin e Durrësit “Aleksandër Moisiu”, rezulton se nga 47 degë studimi, 7 rrezikojnë mbylljen, të tilla janë: Programet e studimit 2-vjeçar “Mekanik Impiante Industriale Bujqësore”, ku interesi është zero. Filozofi-Sociologji, kanë shprehur interes vetëm 4 maturantë. Në degën Histori, Menaxhim Turizmi Arkeologjik, Menaxhim Hoteleri Turizëm, Menaxhim Ndërtimi, interesi ka qenë më pak se 3-4 maturantë, duke rrezikuar mbylljen e këtyre degëve. Universiteti i Elbasanit “Aleksandër Xhuvani”, nga 41 degë 18 prej tyre rrezikojnë të mbyllen, përkatësisht janë degë të fakulteti Ekonomik, atij të Shkencave Humane dhe në fakultetin e Shkencave të Edukimit ku interesi i studentëve në drejtimin e këtyre degëve është nga 2 deri në 10 maturantë. Ndërkohë referuar vitit 2018 në këtë fakultet janë mbyllur tashmë degët e gjuhës Frënge, Italiane, Gjuhës Shqipe dhe Rome, si edhe degët Histori dhe Gjuhë Gjermane. Në universitetin e Gjirokastrës “Eqerem Çabej”, nga 18 degë, 15 janë drejt mbylljes, po ashtu në rrezik mbyllje janë edhe dy fakultete, ai i Edukimit dhe Shkencave Shoqërore si dhe Fakulteti Ekonomik. Në fakultetin e Shkencave të Natyrës degët si: Biologji-Kimi; Matematikë-Informatike dhe Informacioni kanë shprehur interesin për regjistrime nga 1 deri në 4 maturantë.

337 studentë më pak

Në universitetin e Korçës “Fan. S. Noli”, nga 32 degë 21 janë drejt mbylljes. Fakulteti i Shkencave të Natyrës dhe Humane, fakulteti i Edukimit dhe Filologjisë si dhe Fakulteti i Ekonomisë, interesi i maturantëve për t’u regjistruar nis nga 0 në 10 maturantë, të cilët kanë shprehur dëshirën për të nisur studimet në këtë universitet. Në rrezik për t’u mbyllur si fakultet është ai i Bujqësisë, i cili ka pasur një interes gati të papërfillshëm nga të rinjtë për të nisur studimet. Krahasuar me vitin 2018, në këtë universitet referuar raundit të parë të aplikimeve janë 118 student më pak, se vitit që lamë pas. Universiteti i Shkodrës “Luigj Gurakuqi”, nga 23 degë studimi, 11 prej tyre rrezikojnë të mbyllen. Të njëjtin fat duket se kanë edhe dy fakultete, ai i Gjuhëve të Huaja si dhe ai i Shkencave Shoqërore, ku interesi i maturantëve nuk e kalon numrin 10-të të regjistrimeve. Në fakultetin e Shkencave të Edukimit dhe atë të Natyrës, për degët: Mësuesi për Arsimin Fillor, Mësuesi për Arsimin Parashkollor dhe Biologji-Kimi nga 6 deri në 9 maturantë janë regjistruar për të nisur vitin e parë në fakultet. Një tjetër problem shqetësues mbetet edhe ulja e numrit të studentëve, ku krahasuar me vitin 2018, rezultojnë 125 më pak. Në Universitetin e Vlorës “Ismail Qemali”, nga 26 degë 13 rrezikojnë të mbyllen. Të prekur nga rreziku i mbylljes janë: Fakulteti i Ekonomisë, Shkencave Humane si dhe ai Shkencave Teknike, ku numri i maturantëve të regjistruar nuk e kalon 9-ën. Në total janë 94 student më pak të regjistruar.

Rekomandime

Migen Qiraxhi thotë për “Shekulli”-n se politikat që duhet të ndjek Ministria e Arsimit për përmirësimin e situatës dhe uljen e riskut për mbylljen de këtyre degëve është rritja e cilësisë në arsim e cila mund të vijë si pasojë kontrollit antiplagjaturë. “VKM për mesataren 6.5 dhe 7.5 kufizon aksesin e të rinjve për arsim si asnjë vend evropian sa i përket sistemit bachelor, duke i hapur dyert e universiteti ndërkohë duhet të kthej menjëherë vëmendjen tek një VKM e pazbatuar deri më tani për kontrollin antiplagjaturë dhe kontrollin e titujve akademik, e cila do të bëj të mundur rritjen e cilësisë në arsim. Pra, shfuqizim i VKM për mesataren dhe zbatimi i VKM për plagjiaturat garantojnë një përmirësim të qëndrueshëm dhe ndërhyrje të drejtë për situatën pa cenuar të drejtat e qytetarëve dhe duke vendosur meritokracinë në auditorë”, përfundoi ai.

Përgjigjet e pyetësorit: 52% e të studentëve të pakënaqur me universitetet

Ministria e Arsimit ka publikuar disa prej gjetjeve nga Sondazhi Kombëtar i Studentëve (SKS) të zhvilluar në periudhën prill-maj, 2019. Nga gjetjet e publikuara të cilat do të publikohen të dhëna më të detajuara ditën e sotme, rezulton se 52% e të rinjve të pyetur në këtë sondazh janë shprehur se institucionet ku ata studiojnë nuk i kanë plotësuar pritshmëritë e tyre. Sa i takon stafit akademik 66% e studentëve thonë se personeli është kompletet në shpjegimin e njohurive ndërsa 55% tyre shprehen se infrastruktura mbështetëse është e pamjaftueshme. Sondazhi u zhvillua në kuadër të “Paktit për Universitetin” dhe kishte si qëllim kryesor mbledhjen e opinionit të studentëve mbi 6 çështje kryesore si: organizimi i institucionit; burimet e institucionit; kurrikulat dhe përmbajtja; mësimdhënia dhe mësimnxënia; aktiviteti kërkimor dhe mbështetja ndaj studentëve.Sipas njoftimit nga Ministrja Shahini, janë mbi 89 mijë pyetësorë të dërguar ndaj studentëve, ku vërehet se niveli i plotësimit të tyre në nivel kombëtar është 31.2%. Kujtojmë që Agjencia për Sigurimin e Cilësisë në Arsimin e Lartë (ASCAL), pas një pune disa-mujore dhe takimeve informuese në çdo Institucion të Arsimit të Lartë (IAL) të vendit ku kontaktoi me mbi 4,200 studentë në 8 qytete, duke filluar me plotësimin e këtij sondazhi në periudhën prill-maj. Nëpërmjet sondazhit, të gjithë studentët në Shqipëri patën mundësinë të shprehin mendimin e tyre në lidhje me cilësinë e mësimdhënies dhe mbështetjes institucionale që i ofrojnë IAL-të. Si pjesë e rëndësishme ku studentët janë përfituesit kryesorë të shërbimit që ofrojnë institucionet e arsimit të lartë, opinioni i tyre është thelbësor për të hartografuar situatën reale në IAL-të e vendit dhe për të identifikuar hapësirat për ndërhyrje potenciale. Si rrjedhojë, Sondazhi Kombëtar i Studentëve (SKS) është një instrument kyç për përçimin e zërit studentor publikut dhe institucioneve politikë-bërëse për të ndërtuar politika të Arsimit të Lartë të bazuara mbi mendimin e studentëve dhe të dhëna të besueshme.

Degët pa kërkesa, ja kush rrezikon mbylljen

Nr. I aplikantëve2018 Numir  i aplikantëve për vitin akademik 2019-2020
Matematike Informatike 67 13
Mami
Shkenca Politike
3
38
37
32
Administrim Biznesi
Gjuhe Angleze
31
37
29
33
Gjuhe Letersi – Anglisht
Teknik Elektrik
57 23
15
Shkenca Kompjuterike
Marredhenie me Publikun
41 69
29
Informatike Praktike (2-vjecare)
Sisteme Informacioni
24
86
10
14
Finance Kontabilitet
Mesuesi per Arsimin Fillor KI. I-VI
14
41
92
34
Psikologji
Gjuhe Gjermane dhe Angleze
45
30
15
15
Asistent Adminiscrativ f2-vjecarl
Menaxhim Turizem Kulturor
16
39
17
11
Fizioterapi
Administrim Publik
5
28
40
42
Menaxhim Marketing
Teknoloqji Automobilash (2-vjecar)
37
8
33
32
Komunikim me Marketing Digjital
Hidroteknike Ujesjelles Kanalizime l2-vjecarl
:7 15
21
Politikat Ekonomike
Menaxhim Transporti Detar/Tokesor f2-vjegarl
54
15
16
27
Mesuesi per Arsimin Parashkollor
Ban. Finance
45 36
19
61
Drejtesi
Multimedia dhe Televizioni Digjital
30
43
210
17
Asistent Ligjor 2-vjecar
Menaxhim Hotel Restorant
20
40
15
20
Menaxhim Dhe Sepecilasit
Specialist Rrjeteshr Kornpjuterike (2-vjecare)
19
23
16
11
Shkenca Ekonomike
Teknolonji Informacioni
38
49
37
51
Infermieri e Pergjithshme
Ndihmes Dentist L2-vjecarl
2
20
108
25
Menaxhim i Bankave  Program Profesional 2-Vjecar ‘Specialist i Sistemeve to Kondicionimit. 20
0
10
0
Program Profesional 2-Vjecar ‘Mekanik Impiante Industriele dhe Bujgesore” 0 0
Filozofi – Sociologii 56 4
Menaxhim Turizem Arkeologjik
Menaxhim i ndermarrjeve to vogla dhe ce mesme
‘g 3
Informatike Anglisht 55 5
Histori  Menaxhim Ndertimi 2-vjeçar Menaxhim Hoteleri Turizem 68
33
23
2
9
7
GJIROKASTËR
Infermieri e pergjithshme 48 42
Arsimi Parashkollor 26
Kontabilitet – Finance 23 20
Biologji -Kimi 4 2
Matematike-Informatike 1
Teknologji Informacioni 7 4
Program Profesional 2-vjeçar 4 7
Program Profesional 2-vjeçar 3 6
Gjuhe -Letersi Shqipe 2 0
Gjuhe Letersi Angleze 4 3
Histori dhe Gjuhe ltaliane 0
Mesuesi per Arsimin Fiillor 2 2
Infermieri Mami 5 3
Administrim —Publik 7 8
Ekonomi Turizem 3 4
Program profesional 2- vjeçar 7 8
Program profesional 2- vjeçar 7 10
Histori gjeografi e mbyllur Matematike fizike e mbyllur
Korçë
Administrim dhe Politika Sociale 46 46
Teknologji Informacioni 18 19
Infermier i Pergjithshem 84 60
Mami 35 29
Finance- Kontabilitet 48 62
Menaxhim 18 25
Program profesional 2- vjecar 15 34
Gjuhe Angleze 31 11
Edukim per foshnjerine dhe femije 19 14
Program profesional 2- vjeçar 12 18
Program profesional 2- vjecar 16 16
Biologji-Kimi 21 7
Filozofi-Sociologji 5 0
Program profesional 2- vjecar 18 7
Matematike- Fizike 12 10
Matematike lnformatike 20 7
Program Profesional 2-vjecar “ 9 7
Agroushqim 7 5
Inxhinieri Agronomike 7 1
Mjekesi e Bimeve 5 0
Agrobiznes 9 4
Program profesional 2- vjecar 8 4
Gjuhe dhe Kulture Frenge 2 2
Gjuhe-Letersi 9 1
Histori – Gjeografi 7 3
Arsimi fillor Klasal- VI 7 5
Arsimi  parashkollor 3 0
Administrim Biznesi ne Marketing 20 8
Adrninistrim Biznesi ne Turize 9 6
Bachelor ne Informatike 12 10
Bachelor ne teknologji 7 3
Ekonomiks 8 5
Vlorë
Inxhinieri Mekanike 27 19
Inxhinieri Elektrike 25 33
Shkenca Kompjuterike 13 12
Infermieri e pergjithshme 181 185
Infermieri Mami 83 90
Drejtesi 118 97
Gjuhe angleze 22 15
Mesuesi per arsimin Parashkollor 10 14
Pedagogji e specializuar 17 13
Finance 84 46
Administrim biznesi 36 32
Ekonomiks 13 15
Ekonomiks 0 12
Marketing 7 4
Kontabilitet 11 9
Histori-Gjeografi 11 5
Gjuhe italiane 2 0
Mesuesi per Arsimin Fillor 11 4
,Gjuhe Shqipe dhe Letersi 15 6
Navigacion 8 4
Biologji 12 7
Kimi 2 0
Matematike 1 8
Informatike 7 5
Teknologji Informacioni 14 7
Inxhinieri Navale
Fizika e mbyIlur ne 2018
10
Burimi: Gazeta Shekulli
Bëjeni Share që të informoni shokët: Share-512.png
qiriazi

Raundi i dytë, 1763 kuota në Universitetin e Tiranës për 6 fakultetet

Bëjeni Share që të informoni shokët: Share-512.png

Sot nisi raundi i dytë i aplikimit në universitete për të gjithë maturantët që nuk arritën të fitonin apo nuk ishin të kënaqur me degën që përzgjodhën në raundin e parë. Burime nga universiteti i Tiranës zbardhin për “Gazeta Shqiptare” numrin e kuotave të lira në 6-të fakultetet e këtij institucioni arsimor si dhe në filialin e tij në Sarandë. Ndërkohë rektori i Universitetit të Mjekësisë, Arben Gjata bën me dije për GSH se në këtë universitet nuk ka më kuota të lira pasi janë plotësuar të gjitha në raundin e parë. “Në Universitetin e Mjekësisë nuk ka më kuota të lira, janë plotësuar gjatë aplikimeve në raundin e parë”,-thotë Gjata. ‘Gazeta Shqiptare’ zbardh sot edhe numrin e kuotave të lira për Universitetin Bujqësor të Tiranës për të 5-ta fakultetet. Përkatësisht studentët në raundin e dytë do të kenë mundësinë të aplikojnë për 1763 vende të lira ndërsa në universitetin Bujqësor për 822 kuota boshe. Ndërkohë 3 ditë më parë, ishte faza e fundit e raundit të parë për procesin e regjistrimeve në universitete për vitin e ri akademik 2019-2020.

Në fund të përfundimit të fazës 14 ditore të regjistrimeve të fituesve të raundit të parë, do të bëhen edhe verifikimet përkatëse në lidhje me numrin e kandidatëve të regjistruar në secilin program studimi të universiteteve publike, duke identifikuar kështu edhe vendet e mbetura bosh, kuota të cilat do të jenë pjesë e raundit të dytë të pranimeve që do të zhvillohet në mes të muajit shtator. Aplikimet për raundin e dytë do të zhvillohen sërish online me plotësimin e një tjetër formulari preferencash duke nisur nga data 19 shtator dhe për të përfunduar në 21 shtator. Në këtë raund do të aplikohet për vendet mbetura bosh nga mbyllja e regjistrimeve të listës së fituesve të fazës së pare, çka do të thotë se maturantët në këtë raund do të jenë më të kufizuar në përzgjedhjen e degëve më të preferuara. Në raundin e dytë kanë të drejtë të aplikojnë të gjithë ata maturantë që nuk kanë mundur të aplikojnë në raundin e parë dhe të gjithë ata që kanë aplikuar, por nuk janë shpallur fitues. Gjithashtu, në këtë raund mund të aplikojnë sërish të gjithë kandidatët që kanë kryer aplikimin, por nuk kanë arritur të regjistrohen si dhe ata që janë çregjistruar nga një program studimi. Kandidatët kanë të drejtë që të përzgjedhin deri në 10 preferenca me të cilat do të konkurrojnë për të fituar studimet e larta përgjatë vitit të ri akademik, qofshin këto degë të universiteteve publike, apo private. Vetëm kandidatët që janë pajisur me dokumentacionin ligjor, që fakton përfundimin e shkollës së mesme, që kanë mesatare të shkollës së mesme mbi notën 6,5, si dhe që plotësojnë kriteret e tjera shtesë që mund të kenë vendosur vetë universitetet për programet që ofrojnë.

Bëjeni Share që të informoni shokët: Share-512.png

Regjistrimi në universitet/ Sot mbyllet raundi i parë, rreth 15 mijë maturantë të regjistruar

Bëjeni Share që të informoni shokët: Share-512.png

E diela ka shënuar fundin e raundit të parë të regjistrimeve për të gjitha ata maturantë të cilët kërkojnë të nisin këtë vit studimet universitare. Sipas të dhënave zyrtare, numri total i maturantëve që u regjistruan në këtë fazë nëpër universitete është 15 mijë ndërkohë që mbetet një pjesë e konsiderueshme të cilët duan më shumë kohë për të zgjedhur përfundimisht programin e studimit.

Bëhet fjalë për një numër prej rreth 8 mijë maturantësh të cilët nuk kanë mundur të gjejnë hapësira në degët e duhura.  Kjo kategori do të ketë një mundësi tjetër duke nisur nga 15 shtatori, por zgjedhja duhet bërë me shumë kujdes, pasi zgjedhja e një programi që nuk ka vende të lira mund t’i penalizojë.

Ka qenë mjekësia dega më e kërkuar, ndërkohë që juridiku mbetet përsëri një ndër të parapëlqyerat e studentëve shqiptarë.

Formularin A2 e kanë plotësuar  në total rreth 25 mijë maturantë, aq sa parashikoi Ministria e Arsimit, ndërsa 7 mijë maturantë kanë aplikuar për të ndjekur studimet jashtë Shqipërisë.

/SCAN 

Bëjeni Share që të informoni shokët: Share-512.png

Raundi 2/ Procedurat e aplikimit dhe regjistrimit në IAL

Bëjeni Share që të informoni shokët: Share-512.png

Procedurat e aplikimit – Raundi i dytë

Në periudhën 19 shtator — 21 shtator 2019 do të kryhet procesi i aplikimit online për raundin e dytë në Portalin U-Albania. Kanë të drejtë të aplikojnë, duke përzgjedhur deri në 10 (dhjetë) programe studimi, të gjithë maturantëtikandidatët, të cilët kanë plotësuar formularin A1 / A1Z dhe rezultojnë kalues në provimet e Maturës Shtetërore, por që:

  • a. nuk kanë arritur të aplikojnë në raundin e parë,
  • b. kanë kryer procesin e aplikimit online në raundin e parë dhe nuk janë shpallur fitues,
  • c. kanë kryer procesin e aplikimit online në raundin e parë dhe nuk kanë arritur të regjistrohen,
  • d. janë çregjistruar pas përfundimit të raundit të parë.

Deri më datë 10 shtator 2019, nga drejtoritë e institucioneve arsimore, për të gjithë maturantët/kandidatët që kanë aplikuar me formularin A1 dhe A1Z, hidhen në Portalin Online të Maturantit të dhënat që lidhen me rezultatet e shkollimit të të gjitha viteve të arsimit të mesëm të lartë.

Maturantët/kandidatët që nuk kanë aplikuar në raundin e parë, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës
së aplikimit në vlerën 2000 (dymijë) lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin U-Albania. Maturantë/kandidatët që kanë aplikuar në raundin e parë dhe do të riaplikojnë në raundin e dytë, nuk duhet të kryejnë pagesën e tarifës së aplikimit për këtë raund. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 17 shtator 2019, në portalin U-Albania.

Përcjellja e të dhënave dhe rezultateve, procesi i përllogaritjes së pikëve dhe publikimi i listave të maturantëve) kandidatëve të renditur:

Brenda datës 16 shtator 2019, QSHA i përcjell RASH-it, në formë elektronike dhe zyrtarisht, të dhënat për çdo program studimi.

Në data 22 – 23 shtator 2019, IAL shkarkojnë nga portali U-Albania, listën e aplikantëve që kanë përzgjedhur ato programe studimit dhe të dhënat e tjera sipas udhëzimit.

Në datat 23 – 26 shtator 2019, IAL afishojnë dhe publikojnë listat e renditjes së aplikantëve, duke përdorur si element identifikimi vetëm ID-në e tyre, në mënyrë që
të respektohen përcaktimet e kuadrit ligjor për mbrojtjen e të dhënave personale. Brenda datës 26 shtator 2019, IAL ngarkojnë një kopje elektronike të këtyre listave në
portalin U-Albania. Në datën 27 shtator 2019 renditja e të gjithë kandidatëve bëhet publike në portalin U-Albania sipas programeve të studimit për cdo IAL.

Procesi i regjistrimit –  Raundi i dytë

Në datat 30 shtator deri 9 tetor 2019 (5 faza 48-orëshe: 30-01: 02-03: 04-05, 06-07 dhe 08-09), të gjithë aplikantët që kanë kryer procesin e aplikimit në raundin e dytë dhe janë shpallur fitues, mund të kryejnë procesin e regjistrimit pranë IAL, duke paraqitur dokumentacionin përkatës në sekretaritë mësimore, në programin e studimit ku dëshirojnë të vazhdojnë studimet.

Brenda datës 16 tetor 2019, RASH përcjell në QSHA, në format elektronik dhe hardcopy, regjistrimet përfundimtare të raundit të dytë.

Procesi i çregjistrimit – Raundi i dytë

Aplikanti, pasi ka bërë regjistrimin, duke paraqitur dokumentacionin përkatës dhe ka nënshkruar në regjistër, ka të drejtë të çregjistrohet vetëm më datë 10 tetor 2019.

Sekretaritë mësimore, pas çregjistrimit të aplikantëve dhe dorëzimit të dokumentacionit, i dërgojnë RASH-it, brenda datës 11 tetor 2019 -listën e aplikantëve të çregjistruar.

Procesi i ankimimit – Raundi i dytë

Në datat 23 — 26 shtator 2019 çdo aplikant duhet të shikojë në faqen e internetit të IAL-ve ose të paraqitet në sekretaritë mësimore të fakulteteve për të parë renditjen e listës së fituesve. Aplikantët kanë të drejtën e ankimimit në IAL, në datën 27 shtator 2019.

IAL, pas përfundimit të afatit të ankimimit dhe shqyrtimit të ankesave, përcjellin zyrtarisht në RASH, në datat 28 – 29 shtator 2019, vendimet lidhur me ankimimet e aplikantëve, si dhe i pasqyrojnë këto vendime, në format elektronik, brenda po kësaj date, në portalin U-Albania.

Aplikantët, pavarësisht paraqitjes së ankesës, nëse janë shpallur fitues në një ose disa programe të tjera studimi, mund të vijojnë procedurat e regjistrimit. Nëse ankesa e tyre është pranuar, ata duhet të çregjistrohen nga programi i studimit (nëse janë regjistruar) dhe të regjistrohen në programin e studimit, në të cilin është pranuar ankimimi, vetëm më datë 10 tetor 2019.

Bëjeni Share që të informoni shokët: Share-512.png