Rreth 32 mijë maturantë në gjithë vendin, iu nënshtruan këtë të hënë provimit të tretë të maturës, në lëndën e Matematikës.
Testi zgjati 2 orë e gjysmë, 30 minuta më shumë se provimi i Letërsisë dhe ai i gjuhës së huaj.
Nxënësit e zhvilluan provimin me të njëjtin protokoll sigurie, si në provimet e mëparshme, të pajisur me maska dhe doreza, dhe jo më shumë se 15 veta për klasë.
Në krahasim me provimin e Gjuhë-Letërsisë dhe ankesave të maturantëve në lidhje me përmbajtjen e tij, ata thanë se testi i Matematikës kishte vetëm pyetje brenda programit. Një pjesë e nxënësve në kryeqytet e konsideroi testin të vështirë.
Ndërsa shtimi i kohës me 30 minuta ishte favorizues, disa maturantë thanë se alternativat në një lëndë si matematika kërkojnë kohë.
Ndërkohë edhe në qytete të tjera si Durrësi, Fieri, Vlora, Berati etj, maturantët testuan njohuritë e tyre në Matematikë, duke respektuar masat e sigurise.
Burimi: Vizion Plus
Na ndiqni në Instagram për t’u informuar me njoftimet e fundit: Kliko mbi foto
👇
