ASCAP publikon programet për maturantët e shkollave të mesme, profesionale dhe me drejtim të orientuar

Bëjeni Share që të informoni shokët: Share-512.png

Agjensia e sigurimit të cilësisë së arsimin parauniversitar ka publikuar programet orientuese për maturën shtetërore. Programi orientues për provimin e Maturës Shtetërore ka si qëllim të orientojë punën e mësuesit, përgatitjen e nxënësve dhe hartuesit e testeve përfundimtare për provimin e Maturës Shtetërore.

Hartimi i programit orientues është mbështetur në kurrikulën me kompetenca të lëndës përkatëse, duke mbajtur parasysh formimin e njohurive dhe rezultateve të të nxënit nëpërmjet eksperimenteve, arsyetimeve, zgjidhjeve problemore dhe interpretimeve në situata të thjeshta dhe komplekse.

Secila lëndë përmban strukturën, tematikën, përmbajtjen dhe fjalët kyçe përkatëse. Mësuesit që do të përgatisin nxënësit, duhet t’i aftësojnë ata jo vetëm për çështjet mësimore, njohuritë, konceptet dhe shprehitë e përcaktuara në këtë program, por të trajtojnë me ta edhe çështje që nuk trajtohen në tekstin e përzgjedhur, por që përmbajnë informacion të rëndësishëm dhe ndihmojnë nxënësit për të përvetësuar më mirë materialin e zgjedhur për provim.

Përgatitja e nxënësve për provim duhet të bëhet në mënyrë të vazhdueshme, në mënyrë që ata të sigurojnë cilësinë e nxënies së çështjeve mësimore, të koncepteve kyçe dhe të aftësive intelektuale të përcaktuara në program.

Agjensia e sigurimit të cilisësë së arsimin parauniversitar është siguruar që të publikojë këto programe orientuese, jo vetëm për gjimnaazin e përgjithshëm, por edhe për arsimin profesional, për shkollat me drejtim të orientuar (aportive dhe artistike), si dhe për shkollat me orientim të drejtuar gjuhësor. 

Programet orientuese i gjeni këtu – PROGRAME ORIENTUESE MATURA 2020

Bëjeni Share që të informoni shokët: Share-512.png

Matura 2020, Ministria e Arsimit publikon rregullat/ Jo celularë, rezultatet…

Bëjeni Share që të informoni shokët: Share-512.png

Ministria e Arsimit publikoi rregullat që do të zbatohen këtë vit lidhur me maturën shtetërore 2020.

MAS bën të ditur se me qëllim ndërgjegjësimin e maturantëve dhe zhvillimin e një procesi sa më të rregullt, Matura Shtetërore e këtij viti vjen me rregulla më strikte, sjell risi, si dhe rrit efikasitetin e përgjegjësinë në administrimin e provimeve.

Kështu MAS si rregull të parë rendit ndalimin e celularëve në provimet e Maturës.

Rezultatet e provimeve do të jepen brenda datës 30 qershor 2020, ndërsa korigjimet do të jenë digjitale.

Ja rregullat:

Bëjeni Share që të informoni shokët: Share-512.png

Shkollat profesionale, kriteret për provimet e Maturës 2020

Bëjeni Share që të informoni shokët: Share-512.png

Maturantët e shkollave profesionale do të japin si provim me zgjedhje në Maturën Shtetërore 2020 lëndën e Teorisë profesionale të integruar, të përzgjedhur sipas profilit të shkollës që kanë frekuentuar. Në udhëzimin e miratuara nga Ministria e Arsimit, Sportit dhe Rinisë, si dhe nga Ministria e Financave dhe Ekonomisë, janë përcaktuar kriteret se si do të zhvillohen provimet e maturës për nxënësit që kryejnë gjatë këtij viti studimet e shkollës së mesme, si dhe maturantët e viteve të shkuara. Sipas udhëzimit, provimet e Maturës Shtetërore Profesionale 2020, janë: tre provime të detyruara në lëndën e gjuhës shqipe dhe letërsisë, matematikës, gjuhës së huaj, si dhe lënda me zgjedhje e teorisë profesionale të integruar, sipas drejtimit apo profilit që maturanti ka ndjekur në shkollë.  Sipas afateve të përcaktuara, maturantët në datën 8 qershor 2020 do të zhvillojnë provimin e gjuhës së huaj, në datën 11 qershor provimin e gjuhë shqipe dhe letërsisë, për të vijuar më tej në datën 15 qershor me testimin e matematikës,teksa në datën 18 qershor do të zhvillojnë provimin e fundit në lëndën teori profesionale e integruar. Edhe për këtë kategori maturantësh, administrimi i provimeve të Maturës Shtetërore Profesionale 2020 do të bazohet në rregulloren e miratuar pak më herët nga dikasteri i arsimit.

Kriteret për testimin e gjuhës së huaj

Në udhëzim saktësohet se testi i gjuhës së huaj (D3) edhe për shkollat profesionale do të hartohet në përputhje me gjuhën, e cila në planin mësimor të arsimit të mesëm profesional trajtohet si gjuhë e huaj e parë. Testi i provimit të jetë në nivelin gjuhësor që përcaktohet në kurrikul në përfundim të arsimit të mesëm profesional. Për kandidatët e viteve të kaluara (kryesisht të të Maturave Shtetërore 2014, 2015, 2016, 2017, 2018 dhe 2019) që kanë rezultuar jokalues në provimin e gjuhës së huaj, duhet ta rijapin sërish këtë provim përgjatë sezonit të provimeve të 2020-s këtë provim. Ndërsa kandidatët e tjerë (të Maturave Shtetërore para vitit 2014) që aplikojnë me A1Z, nuk do ta rijapin provimin e detyruar të gjuhës së huaj.

Programet orientuese

Provimet e detyruara gjuhë shqipe dhe letërsi, matematikë, gjuhë e huaj e parë dhe programet orientuese të tyre do të të mbështeten në programet ekzistuese të kulturës së përgjithshme të arsimit profesional. Ndërsa provimet e detyruara të teorisë profesionale të integruar, mbështeten në programet orientuese të publikuara në faqen e Agjencisë Kombëtare të Arsimit Formimit Profesional dhe Kualifikimeve. Kandidati, i cili rezulton mbetës në të paktën njërin prej provimeve të detyruara të maturës së vitit 2020, duhet ta rijapë atë sërish në sezonin e vjeshtës që të pajiset më pas me diplomë të përfundimit të shkollës së mesme, çka më pas i hap udhë edhe garës për studimet e larta në institucionet publike dhe private të arsimit të lartë në vend.

Kushtet për maturantët e viteve 2013-2016

Autoritetet e arsimit kanë sqaruar edhe kushtet e dhënies së provimit me zgjedhje për maturantët që kanë kryer studimet e shkollës së mesme në maturat e viteve të shkuara. Konkretisht, kandidati që në Maturën Shtetërore 2013- 2016 ka zgjedhur teorinë profesionale të integruar dhe është kalues, do të pajiset me diplomën e Maturës Shtetërore Profesionale, pavarësisht se mund të rezultojë jokalues në një apo dy provimet e tjera me zgjedhje. Ndërsa në rastet kur ka zgjedhur teorinë profesionale të integruar dhe rezulton mbetës, duhet të rijapë provimin e detyruar të teorisë profesionale të integruar gjatë Maturës 2020, pavarësisht rezultateve të provimeve të tjera me zgjedhje. Gjithashtu bëhet e ditur se kur këta kandidatë kanë zgjedhur dy apo tri lëndë me zgjedhje përgjatë maturave 2013-2016, te të cilat nuk përfshihet Teoria profesionale e integruar, duhet të japë provimin e detyruar të teorisë profesionale të integruar, pavarësisht rezultateve të provimeve të tjera me zgjedhje.

Kushtet për maturantët e para 2011-s

Për kandidatët që kanë marrë Dëftesë pjekurie para vitit 2011 dhe dëshirojnë të aplikojnë për studime në institucionet e arsimit të lartë,  bëhet e ditur se do t’u njihen provimet e detyruara ose provimet e njëvleftshme me to, të njësuara nga njësitë arsimore vendore. Këta kandidatë, në rastet kur nuk ka dhënë provimin e Teorisë profesionale të integruar ose e kanë dhënë dhe nuk kanë rezultuar kalues, kanë të drejtë të japin këtë provim, kur e kanë të nevojshme për plotësimin e kritereve të pranimit të përcaktuara nga institucionet e arsimit të lartë.

Hartimi i testeve dhe skema e vlerësimit

Provimet e detyruara dhe me zgjedhje të Maturës Shtetërore 2020 do të fillojnë në orën 10:00 dhe zgjasin 2 orë e 30 minuta. Testet e provimeve të detyruara dhe të provimit me zgjedhje hartohen, administrohen dhe vlerësohen nga Qendra e Shërbimeve Arsimore (QSHA). Testi për secilin nga provimet e detyruara dhe të provimit me zgjedhje vlerësohet me 60 pikë maksimale. Ndërkohë që për të qenë kalues, maturantët duhet të grumbullojnë detyrimisht 25 për qind të totalit të pikëve me të cilat vlerësohet testi. Maturantët apo kandidatët që rezultojnë mbetës në provimet e Maturës Shtetërore 2020, i rijapin provimet në sesionin e dytë. Institucionet e arsimit të mesëm të lartë  do të organizojnë konsultimet në ndihmë të nxënësve maturantë për provimet e Maturës Shtetërore, sipas një kalendari të miratuar nga zyrat vendore të arsimit parauniversitar. Këto konsultime do të jenë objekt monitorimi nga Drejtoria Rajonale e Arsimit Parauniversitar.

Bëjeni Share që të informoni shokët: Share-512.png

Procesi mësimor përfundon më 20 dhjetor, nis më 6 janar 2020

Rikthimi në bankat e shkollës, për shumë nxënës por edhe mësues vazhdon të jetë e vështirë, pas gjendjes së rënduar psikologjike ardhur nga tërmeti i datës 26 nëntor, sidomos në zonat e prekura si Durrësi.
Ndërkohë, ministrja e arsimit, znj.Besa Shahini dha urdhër të prerë se mësimi do të niste të hënën e 9 dhjetorit, me ndonjë përjashtim tek-tuk.
Vetëm 11 ditë mësimi për nxënësit, dhe fillojnë pushimet e festave të fundvitit, 11 ditë të cilat fare mirë mund të ishin shfrytëzuar për qetësimin e tyre pranë familjes dhe njëkohësisht për ekzaminime më konkrete për dëmet e shkaktuara në shkolla.

Megjithatë, data e përfundimit të procesit mësimor për vitin 2019 është bërë e ditur nga drejtori i përgjithshëm i arsimit parauniversitar, z.Selman Hodaj.
“Në vijim të Urdhrit të Përbashkët Nr. 220, datë 11.04.2019 “Për miratimin e strukturës së vitit shkollor 2019-2020 në sistemin arsimor parauniversitar. Ju bëjmë me dije se procesi mësimor përfundon më datë 20 dhjetor 2019 dhe fillon në datën 06 janar 2020.”, bën me dije z.Hodaj.
Nga ana tjetër, një problematikë e ngritur nga ana e çdo drejtorie shkolle ka qenë në lidhje me orët e humbura, specifikisht për maturantët, të cilët në fakt, e përfundojnë vitin kalendarik shumë më herët se nxënësit e tjerë, për t’u përgatitur për provimet e maturës.
Në lidhje me zëvendësimin e këtyre orëve të humbura gjatë kësaj periudhe, bëhet me dije nga instancat drejtuese të arsimit parauniversitar, se institucionet arsimore do të njoftohen në muajin Janar 2020.

Programet Orientuese – Matura Shteterore 2020

Bëjeni Share që të informoni shokët: Share-512.png

Programet Orientuese të Maturës Shtetërore 2020 (Gjimnazi)

Programet Orientuese për Arsimin Profesional

Programet Orientuese për Shkollat me Drejtim të Orientuar (Sportive dhe Artistike)

Programet Orientuese për Shkollat me Drejtim të Orientuar Gjuhësor

Bëjeni Share që të informoni shokët: Share-512.png

Plotësimi i Formularit A1z – Matura Shtetërore 2020

Bëjeni Share që të informoni shokët: Share-512.png

Formulari A1Z plotësohet nga:

    • Kandidati që ka përfunduar shkollën e mesme para vitit 2020 dhe që ka detyrim për të dhënë një ose disa provime të Maturës Shtetërore:
    • Kandidati që ka kryer arsimin e mesëm jashtë vendit, i cili pasi ka bërë njehsimin e diplomës në komisionin përkatës, në QSHA, rezulton se ka detyrim për të dhënë një ose disa provime të Maturës Shtetërore;
    • Kandidati që ka përfunduar shkollën e mesme në Shqipëri ose jashtë vendit, që nuk kanë detyrim për të dhënë provime në MSh 2020, por që dëshiron të vazhdojë studimet në Institucionet e Arsimit të Lartë (IAL).

Kandidati për të plotësuar formularin A1Z, duhet të paraqesë tek mbikëqyrësi një vërtetim të lëshuar nga KMSH e ZVA, i cili pasqyron provimet që ai ka dhënë dhe rezultatet që ai ka marrë në to. Vërtetimi, vec gjeneraliteteve duhet të ketë edhe këto të dhëna:

    • Provimet e detyruara dhe vlerësimet e shkallëzuara të secilit provim, nëse ato rezultojnë të fituara nga kandidati
    • Provimin me zgjedhje që dëshiron të mbartë kandidati dhe vlerësimin e shkallëzuar të tij.
    • Vërtetimi pas përfundimit të aplikimit i bashkëngjitet kopjes së formularit A1Z, që mban shkolla dhe dorëzohet në QSHA, 5 ditë pas përfundimit të aplikimeve.

 

Bëjeni Share që të informoni shokët: Share-512.png