Tag Archives: matura shteterore

LAJMI I FUNDIT/ Shtyhet pa afat hapja e institucioneve arsimore në vend deri në normalizimin e situatës

Posted on by Lini një koment

Në një urdhër të firmosur këtë të mërkurë, 1 prill, nga ministrja e Shëndetësisë, Ogerta Manastirliu do të qëndrojnë mbyllur deri në përfundim të gjendjes së epidemisë të shkaktuar nga infeksioni COVID-19, të gjitha veprimtaritë e pezulluara në momentin kur u shfaq pacienti zero me COVID-19 në vendin tonë.

Të gjitha masat kufizuese të marra nga qeveria për parandalimin e përhapjes së COVID-19, shtyhen pa afat përtej 3 prillit kur ishte marrë vendimi i fundit.

Në një urdhër të firmosur këtë të mërkurë, 1 prill, nga ministrja e Shëndetësisë, Ogerta Manastirliu do të qëndrojnë mbyllur deri në përfundim të gjendjes së epidemisë të shkaktuar nga infeksioni COVID-19, të gjitha veprimtaritë e pezulluara në momentin kur u shfaq pacienti zero me COVID-19 në vendin tonë.

Kështu, shkollat publike e private, çerdhet, lokalet, restorantet, aktivitetet publike (tubime etj), ndërhyrjet kirurgjikale të planifikuara në publik dhe privat, klinikat dentare etj, do të qëndrojnë të pezulluara pa afat. Urdhi i 1 prillit rrëzon të mëparshmet.

.

 

Besa Shahini: Viti akademik do të mbyllet, në një formë apo një tjetër

Posted on by Lini një koment

Shpërndajeni me shokët që të informohen: Share-512.png

Ministrja e Arsimit, Besa Shahini, në një intervistë  për “Opinion” në Tv Klan,  i është përgjigjur disa pyetjeve të studentëve dhe maturantëve, të paraqitura nga gazetari Blendi Fevziu.

Shqetësimet që kanë ardhur si pasojë e situatës së koronavirusit, lidhen me efektivitetin e mësimit online dhe shqetësimin se maturantët ndihen të papërgatitur për t’u futur në provime.

Ministrja tha se është në dijeni të këtyre shqetësimeve, duke thënë se po mendohen mënyra alternative për t’u ardhur në ndihmë.

Ndërkaq ajo tha se shpreson që shumë shpejt të hapen shkollat dhe të vijojë procesi mësimorë për të shkuar me tej në provimet e maturës, duke mos u humbur vitin nxënësve.

Copy of Filluan Përgatitjet për Maturën Shtet.png

“Shpresoj të kthehemi në shkolla dhe ta mbyllim këtë vit akademik , do shohim si po zhvillohet situata dhe kur të jetë e sigurtë, do të kthehemi dhe të bëjmë provimet kombëtare.  Ky vit do të mbyllet në një formë apo në një tjetër sepse nuk kemi pse penalizojmë nxënësit”.

E pyetur për bursat e studentëve, Shahini tha se të gjithë studentët që janë në sistemin e bursave do të paguhen, ndërsa shtoi se për ata studentë që nuk kanë mundësi të paguajnë tarifën e universitetit, mund t’i drejtohen me email ministres apo duke i shkruan në faqen e Facebook, për të analizuar rastin dhe gjetur një zgjidhje të mesme. /tvklan.al

Shpërndajeni me shokët që të informohen: Share-512.png

Besa Shahini: Asnjë penalizim për maturantët, ja si do të hartohen provimet

Posted on by Lini një koment

Shpërndajeni me shokët që të informohen: Share-512.png

Teksa institucionet arsimore publike dhe jopublike janë mbyllur për shkak të pandemisë së koronavirusit, ministrja e Arsimit, Besa Shahini u shpreh gjatë një prononcimi për mediat se nuk beson se ky vit do të digjet dhe se shpreson gjithashtu që nuk do të shtyhen datat e provimeve të studentëve për mbylljen e vitit. “Nuk ekziston mundësia e djegies së këtij viti. Do marrim parasysh punën që vijoi deri kur u bë pandemia dhe punën online dhe kur të kthehemi në shkolla do të bëjmë vlerësimin përfundimtar. Shpresoj që të mos kemi nevojë të lëvizim  datat dhe të kryejmë provimet përfundimtare dhe të mbyllim vitin siç duhet”, deklaroi ajo. Më tej, Shahini u bën thirrje pedagogëve të punojnë, pasi sipas saj, të gjithë pedagogët do të paguhen. Ju bëj thirrje pedagogëve të punojnë, pasi të gjithë pedagogët do të paguhen. Ka një brengë për nxënësit e dobët apo familjet e të cilave nuk mund të përballojnë të kenë akses në mësimin online. Prej me shume se dy javësh shkollat janë mbyllur për shkak të pandemisë së koronavirusit dhe udhëzimi i fundit është që shkollat do të qëndrojnë të mbyllura deri më 3 prill”, nënvizoi Shahini.

Po ashtu ajo tha se nuk do ketë asnjë penalizim për maturantët, pasi provimet do të hartohen në mënyrë të tillë që të mos kenë të bëjnë me kapitujt e humbur gjatë pushimeve. “Sivjet provimet e maturës  do ti bëjmë në salla të mëdha si vitete  tjera, korrigjimni i tëri dixhital ndërsa testi do të administrohet me laps dhe letër. Kjo do të ndodhë kur të mbyllet periudha e pandemisë dhe të kemi mundësi të grumbullohemi në salla të mëdha. Matura është në qershor dhe shpresoj të kemi mundësi deri atëherë. Duhet të kemi kujdes me pyetje që i bëjmë, të heqim temat që nuk janë zhvilluar gjatë kësaj periudhe që të jetë sa më i drejtë. Maturanët të mos shqetësohen, ta shfytëzojnë kohën për të mësuar sa është e mundur. I kemi orientuar mësuesit e maturantëve që të fokusohen te lëndët që ata kanë zgjedhur për maturë dhe të mos i ngarkojnë me lëndë të tjera. Po shohim dhe shtetet e tjera. Gjermania ka lëvizur datat se i ka pasur në fillim të majit, Franca i ka në qershor si Shqipëria dhe nuk ka njoftim që ti anulojë. Maturantët nuk kanë nevojë të shqetësohen, ne do të marrim parasysh se cilat tema i kanë zhvilluar dhe cilat jo”, tha ajo.

Shpërndajeni me shokët që të informohen: Share-512.png

PROGRAME STUDIMI TË AKDREDITUARA PËR VITIN AKADEMIK 2020-2021

Shahini: Çfarë ndodh nëse shkolla nuk hapet më 6 prill dhe me provimet kombëtare

Posted on by Lini një koment

Shpërndajeni me shokët që të informohen: Share-512.png

Në video-mesazhin e radhës përmes rrjeteve sociale, përpos mbarëvajtjes së deritanishme të mësimit nga shtëpia për nxënësit e sistemit parauniversitar, Ministrja e Arsimit  Besa Shahini ka dhënë edhe një lajm për universitetet.

Sipas saj, 40 mijë studentë tashmë kanë kaluar në mësim online ndërsa pohon se mbi 1 mijë lëndë që kanë kaluar në mësim përmes kësaj platforme.

“40 mijë studentë tashmë kanë kaluar në mësim online. Janë mbi 1 mijë lëndë që kanë kaluar në mësim online. Pedagogët po punojnë jo vetëm duke përdorur email-in apo rrjetet sociale, por edhe platformat e ndryshme që janë në dispozicion falas. Është Zoom, Google Classroom, EZtalks – janë disa nga platformat që po krijojnë edhe klasën virtuale, ku pedagogu mund të bëjë edhe biseda me studentët e vet dhe e riprodhon formatin e një klase të zakonshme”.

Ministrja Shahini u ka dhënë përgjigje edhe pyetjeve të mbërritura nga maturantët dhe nga nxënësit e klasave të nënta për sa i përket provimeve kombëtare.

“Dua të nënvizoj edhe njëherë se është shumë herët të marrim një vendim për provimet kombëtare se kur do të mbahen, nëse duhet të shtyhen, në çfarë formati do të zbatohen etj. Unë ende po shpresoj që ne do të kthehemi në bankat shkollore me 6 prill siç kemi planifikuar. Nëse kjo nuk ndodh, atëherë ne do të marrim një vendim në lidhje me formatin e provimeve kombëtare, vështirësinë e pyetjeve, si dhe datat kur do të mbahen. Duke marrë parasysh që jemi të përkushtuar që ta mbyllim këtë vit akademik, duhet gjithsesi të planifikojmë dhe të synojmë që t’i mbajmë provimet kombëtare sivjet. Ndaj, duke parë se si po zhvillohet situata, ne po bëjmë edhe planet e ndryshme që do t’i zbatojmë pastaj në një moment të dytë kur të dimë edhe nëse do të mbahen provimet kombëtare, kur do të mbahen ato dhe me çfarë niveli të vështirësisë” , ndërsa shprehet gjithashtu se të gjithë duhet të shfrytëzojmë këtë kohë të përgatitemi sa më mirë që është e mundur për provimet kombëtare.

“Kemi modele pyetjesh për maturantët, kemi modele pyetjesh për klasën e nëntë të të gjitha lëndëve që mund të bien në këto provime dhe unë ftoj të gjithë nxënësit që të punojnë sa më shumë që është e mundur vetë, por edhe me mësuesit e tyre që të përgatiten për provimet kombëtare”, sqaron ajo.

Shahini ka adresuar edhe një pyetje (më shumë në formë ankese) të mbërritur nga prindër të ndryshëm të cilët thonë se mësuesit po i konfuzojnë nxënësit me platformat e ndryshme që po i përdorin, duke i kaluar një herë nga Google Classroom tek një platformë tjetër, duke punuar vetëm me ëhatsapp apo përmes rrjeteve të tjera sociale.

“Unë kërkoj nga prindërit që të kenë pak mirëkuptim. Mësuesit tanë kanë bërë një kapërcim të jashtëzakonshëm. Brenda natës kanë kaluar nga dërrasa e zezë në punë përmes ekraneve të telefonave të tyre celularë apo edhe të laptopëve të tyre. Kështu që, e gjithë kjo punë që është bërë nga ata vetë që të eksplorojnë platformat më të mira që u mundëson atyre të punojnë sa më shumë që është e mundur me fëmijët tuaj e me nxënësit e vet (ose “një me një” ose “në formë klase”), duhet t’i mirëkuptojmë që në këtë fazë ndoshta edhe kanë kaluar nga një platformë tek tjetra. Por, duhet edhe t’i falënderojmë për gjithë punën që po e bëjnë për kapërcimin e madh që kanë bërë ata vetë duke mësuar të përdorin platforma të ndryshme që t’u vijnë në ndihmë atyre nxënësve, si dhe procesit mësimor”, përfundon mesazhin e saj Ministrja Besa Shahini.

Burimi: SYRI.net

Shpërndajeni me shokët që të informohen: Share-512.png

Matura 2020/ Ja cfarë do përmbajë provimi i Kimisë !

Posted on by Lini një koment

KIMI                      

Shpërndajeni me shokët që të informohen: Share-512.png

Më poshtë kemi publikuar nje material orientues për Maturantët rreth përmbajtjes së Provimit të Kimisë, Matura 2020

Shkarkoje këtu – Përmbajtja e Tezës së Kimisë, Matura 2020                    

Kimia si lëndë shkencore i ofron nxënësit mundësi të zhvillojë aftësi për të:

  • kuptuar dukuritë kimike natyrore,
  • shpjeguar ligjet që veprojnë në fushën e saj,
  • dalluar diversitetin e substancave kimike,
  • kryer hulumtime rreth përbërjes dhe vetive të substancave,
  • zbuluar ndërvarësinë e vetive kimike të çdo substance nga përbërja kimike e saj,
  • njohur dhe zbatuar një serë procesesh teknologjike kimike, si ato që kanë të bëjnë me prodhime substancash, lëndësh larëse, barnash të ndryshme, kozmetika, plastika të shumëllojshme apo dhe procese të tjera si nxjerrje metalesh e përgatitje lidhjesh metalike, prodhime të substancave duke harxhuar energji dhe
  • shpjeguar, analizuar dhe përdorur metoda të ndryshme për zgjidhjen e ushtrimeve e problemave, në të cilat janë zbatuar njohuritë teorike
  • studiuar dhe kuptuar si realizohen një sërë reaksionesh kimike (metabolike) te njerëzit, bimët dhe kafshët.

Pra, kimia është shkenca që studion përbërjen dhe vetitë e substancave përbërëse të botës së gjallë dhe jo të gjallë, si dhe ligjet kimike që lidhin vetitë me përbërjen kimike të substancave.

Hartimi i testit për lëndën e kimisë mbështetet tërësisht në programin orientues të Maturës Shtetërore. Programi orientues për përgatitjen e provimit të lëndës së kimisë bazohet në:

  • programet e lëndës së kimisë bërthamë për klasën e 10-të;
  • programet e lëndës së kimisë bërthamë për klasën e 11-të;
  • programin e lëndës së kimisë me zgjedhje për klasën e 12-të.

Bazuar në programin orientues, përmbushja e kompetencave të fushës dhe kompetencave kyçe që një nxënës duhet të zotërojë përgjatë gjithë zhvillimit të lëndës, arrihet nëpërmjet 2 tematikave kryesore:

  • diversiteti
  • ndërveprimet.

Programi orientues i Maturës Shtetërore zbatohet me korrektësi nga specialistët dhe mësuesit e përfshirë në hartimin e pyetjeve të provimit të kimisë.

Gjatë punës për përgatitjen e nxënësve për provimet e Maturës Shtetërore, është e rëndësishme që herë pas here mësuesi të zhvillojë testime me nxënësit, me teste që mund t’i hartojë vetë duke u bazuar në modelet e testeve që publikon QSHA-ja.

Në përgatitjen për përmbushjen e rezultateve të të nxënit të programit orientues mund të përdoren tekstet mësimore të miratuara nga MASR-ja, si edhe materiale të tjera, që sigurojnë përmbushjen e rezultateve të të nxënit të programit orientues. Disa nga kompetencat që janë testuar në provimin e kimisë për Maturën Shtetërore 2019, të ndara sipas niveleve të vështirësisë, janë:

Rezultatet e të nxënit për nivelin e parë të vështirësisë:

  • njehson masën atomike të krahasuar të një elementi duke njohur përqindjen e përhapjes në natyrë të izotopeve dhe anasjellas;
  • përshkruan nivelet dhe nёnnivelet energjetike për katër shtresat e para elektronike;
  • përcakton numrin e nëniveleve energjetike në një nivel energjetik;
  • tregon numrin e elektroneve qe vendosen te nёnnivelet s, p, d , f
  • përshkruan format e orbitaleve s dhe p;

Rezultatet e të nxënit për nivelin e dytë të vështirësisë:

  • analizon vendosjen e elementeve në tabelën periodike, vetitë e tyre, duke përdorur konfigurimin elektronik;
  • përshkruan tabelën periodike si një sistem për të klasifikuar elementet dhe për të parashikuar përdorimin dhe vetitë e tyre;
  • krahason vetitë e elementeve të grupeve IA, IIA, VII A,VIII A dhe tregon se vetitë e tyre varen nga shtresa e jashtme elektronike e atomeve përkatëse;

Rezultatet e të nxënit për nivelin e tretë të vështirësisë:

  • shpjegon formën gjeometrike dhe këndin e lidhjes në molekulat, me anë të teorisë sё VSEPR-it (teoria e shtytjes së çifteve elektronike të shtresës valentore), në rastet kur atomi qendror ka 2-4 çifte elektronike;
  • interpreton acidet dhe bazat sipas teorisë Bronshtet-Lourit duke përfshirë përdorimin e koncepteve acid-I baze-I, acid-II baze-II.
  • interpreton forcën elektromotore të elementeve galvanikë duke shfrytëzuar të dhëna të tabelës së potencialeve elektrodike standarde;
  • gjykon mbi produktet që çlirohen gjatë elektrolizës së elektroliteve nё gjendje të shkrirë apo të tretur;
  • shkruan barazimin e përgjithshëm të elektrolizës, kur elektroliti është në gjendje të shkrirë apo të tretur;
  • parashikon reaksionet e mundshme dhe aktivitetin e mundshëm të elementeve nga pozicioni i tyre në tabelën periodike;

Struktura e testit

Testi i kimisë ka në total 60 pikë, të cilat janë të ndara në këtë mënyrë:

  • 20 pyetje me alternativa, të cilat kanë një total prej 20 pikësh
  • 10 pyetje të hapura, të cilat kanë një total prej 40 pikësh

Testi për lëndën e kimisë ndërtohet në mënyrë të tillë që të jenë të përfshira të tri nivelet e vështirësisë: niveli bazë (40%), niveli mesatar (40%) dhe niveli i lartë (20%). Njëkohësisht, edhe shpërndarja e pikëve në test bëhet në varësi të përqindjeve që zë çdo nivel vështirësie.

Më poshtë paraqitet tabela e specifikimeve të testit, e cila tregon shpërndarjen e pikëve në bazë të përqindjes së tematikave në programin orientues dhe niveleve të vështirësisë.

  NIVELET
 

NR.

  

TEMATIKAT

  

Pesha %

  

Nr. pikëve

 Niveli I – 40% Niveli II – 40% Niveli III – 20%
1 Diversiteti 46 26 11 11 4
2 Ndërveprimi 54 34 13 13 8
TOTALI 100 60 24 24 12

Nxënësit duhet të kenë parasysh se tematika e cila ka numrin më të madh të orëve (peshën më të madhe) në programin orientues të Maturës Shtetërore, në test do të përfaqësohet nga një numër më i madh pikësh.

Llojet e pyetjeve

Pyetjet e testit të kimisë hartohen mbi bazën e rezultateve të të nxënit dhe testojnë njohuritë dhe aftësitë e nxënësve në tematikat e paraqitura në programin orientues. Pyetjet që përdoren janë objektive dhe subjektive, të cilat testojnë njohuritë dhe aftësitë e nxënësve pothuajse në të gjitha tematikat.

Në pyetjet subjektive përfshihen pyetjet e strukturuara, të cilat janë pyetje të hapura, por që e kërkojnë përgjigjen në formë të strukturuar, pasi dhe kërkesat e pyetjes janë të tilla. Përgjigjet e pyetjeve të tilla mund të jepen duke analizuar një grafik, një strukturë, një figurë apo një model hapësinor. Në të tilla pyetje nuk supozohet që nxënësi të japë opinionet e veta, por të përpunojë informacionin nga të dhënat që jepen në pyetje.

Shpërndajeni me shokët që të informohen: Share-512.png

Matura 2020/ Ja cfarë do përmbajë provimi i Historisë !

Posted on by Lini një koment

HISTORI

Shpërndajeni me shokët që të informohen: Share-512.png

Më poshtë kemi publikuar nje material orientues për Maturantët rreth përmbajtjes së Provimit të Historisë, Matura 2020

Shkarkoje këtu – Përmbajtja e Tezës së Historisë, Matura 2020 

Studimi i lëndës së historisë i ndihmon nxënësit të zhvillojnë një ndjenjë humanizmi të gjerë, të dallojnë diferencën midis supozimit dhe faktit, të respektojnë vërtetësinë e burimeve historike duke dalluar analogjinë false dhe duke peshuar pasojat që vijnë prej tyre.

Detyra e historisë është të orientojë nxënësit që të trajtojnë në mënyrë kritike një ngjarje të epokës së tyre dhe të së shkuarës si dhe të kuptojnë se kultura e tyre dhe kulturat e tjera përbëjnë rezultatin e një procesi historik.

Hartimi i testit për lëndën e historisë mbështetet tërësisht në programin orientues të Maturës Shtetërore. Programi orientues për përgatitjen e provimit të lëndës së historisë bazohet në:

  • programet e lëndës së historisë bërthamë për klasën e 10-të;
  • programet e lëndës së historisë bërthamë për klasën e 11-të;
  • programin e lëndës së historisë me zgjedhje për klasën e 12-të.

Bazuar në programin orientues, përmbushja e kompetencave historike dhe kompetencave kyçe që një nxënës duhet të zotërojë përgjatë gjithë zhvillimit të lëndës, arrihet nëpërmjet 4 tematikave kryesore:

  • Antikiteti;
  • Mesjeta (shek. IV – XIV);
  • Periudha moderne (shek. XV – fillimi i shekullit XX);
  • Periudha bashkëkohore (1919 deri më sot)

Programi orientues i Maturës Shtetërore zbatohet me korrektësi nga specialistët dhe mësuesit e përfshirë në hartimin e pyetjeve të provimit të historisë. Specialistët e përfshirë në hartimin e pyetjeve të provimit të kësaj lënde, nuk mund përfshijnë në testim tema mësimore të cilat nuk janë parashikuar në programin orientues të Maturës Shtetërore.

Gjatë punës për përgatitjen e nxënësve për provimet e Maturës Shtetërore, është e rëndësishme që herë pas here mësuesi të zhvillojë testime me nxënësit, me teste që mund t’i hartojë vetë duke u bazuar në modelet e testeve që publikon QSHA-ja. Në përgatitjen për përmbushjen e rezultateve të të nxënit të programit orientues mund të përdoren tekstet mësimore të miratuara nga MASR-ja, si edhe materiale të tjera, që sigurojnë përmbushjen e rezultateve të të nxënit të programit orientues.

Disa nga kompetencat që janë testuar në provimin e historisë për Maturën Shtetërore 2019, të ndara sipas niveleve të vështirësisë, janë:

Rezultatet e të nxënit për nivelin e parë të vështirësisë:

  • përcakton kohën dhe rrethanat e lindjes së qytetërimeve antike;
  • përshkruan tiparet e artit, kulturës, shkencës dhe arsimit në qytetërimet antike;
  • përshkruan thelbin e përmbajtjes së dokumenteve të rëndësishme historike;
  • përcakton momentet kryesore të jetës dhe veprimtarisë së figurave të rëndësishme historike;
  • identifikon tiparet kryesore të organizimit politik e shoqëror të të formacioneve të ndryshme me karakter shtetëror;

Rezultatet e të nxënit për nivelin e dytë të vështirësisë:

  • shpjegon format e organizimit shtetëror në formacionet shtetërore antike;
  • shpjegon dhe analizon faktet dhe burimet mbi origjinën, qytetërimin ilir, zhvillimin e tij ekonomiko-social dhe marrëdhëniet e tij me botën
  • analizon rrethanat që shkaktuan “Zbulimet e mëdha gjeografike”;
  • analizon rrethanat, shkaqet dhe pasojat e revolucioneve të mëdha (francez, amerikan etj.) në zhvillimin historik;

Rezultatet e të nxënit për nivelin e tretë të vështirësisë:

  • vlerëson rëndësinë e të drejtës romake dhe kodit të Justinianit deri në ditët e sotme;
  • vlerëson kontributin e mbretërive ilire dhe drejtuesve të tyre në zhvillimin e qytetërimit ilir;
  • gjykon mbi rëndësinë e pashallëqeve të mëdha në procesin e shtet-formimit dhe ndërtimit të identitet kombëtar të shqiptarëve;

Struktura e testit

Testi i historisë ka në total 60 pikë, të cilat janë të ndara në këtë mënyrë:

  • 20 pyetje me alternativa, të cilat kanë një total prej 20 pikësh;
  • 13 pyetje të hapura, të cilat kanë një total prej 40 pikësh.

Testi për lëndën e historisë ndërtohet në mënyrë të tillë që të jenë të përfshira të tri nivelet e vështirësisë: niveli bazë (40%), niveli mesatar (40%) dhe niveli i lartë (20%). Njëkohësisht, edhe shpërndarja e pikëve në test bëhet në varësi të përqindjeve që zë çdo nivel vështirësie.

Më poshtë paraqitet tabela e specifikimeve të testit, e cila tregon shpërndarjen e pikëve të testit, në bazë të përqindjes së tematikave në programin orientues dhe niveleve të vështirësisë.

 

Nr.

  

Tematikat

 Peshat

në %

 Nr.

pikëve

 Niveli

I – 40%

 Niveli

II- 40%

 Niveli

III – 20%
1 Antikiteti 12 7 3 3 1
2 Mesjeta 13 8 3 3 2
 

3

 Periudha moderne

shek. xv- fillimi i shek.xx

  

25

  

15

  

6

  

6

  

3
 

4

 Periudha

bashkëkohore

  

50

  

30

  

12

  

12

  

6
TOTALI 100 60 24 24 12

Në bazë të tabelës së specifikimeve, tematika që ka numrin më të madh të orëve (peshën më të madhe) në programin orientues të Maturës Shtetërore, në test përfaqësohet nga një numër më i madh pikësh. Për shembull, tematika “Periudha bashkëkohore ” që zë 50% të peshës së programit orientues është përfaqësuar në test me një numër më të madh pikësh.

Na ndiqni në Instagram: http://instagram.com/matura.shteterore

Llojet e pyetjeve

Pyetjet e testit të historisë hartohen mbi bazën e rezultateve të të nxënit dhe testojnë njohuritë dhe aftësitë e nxënësve në tematikat e paraqitura në programin orientues. Pyetjet që përdoren janë objektive, subjektive dhe të tipit të esesë.

Pyetjet objektive që janë përdorur janë pyetje me alternativa, ku nxënësi duhet të qarkojë alternativën e saktë.

Në pyetjet subjektive përfshihen pyetjet e strukturuara, të cilat janë pyetje të hapura, por që e kërkojnë përgjigjen në formë të strukturuar, pasi dhe kërkesat e pyetjes janë të tilla.

Pyetjet ese synojnë të testojnë aftësinë e nxënësve për të organizuar, integruar dhe shprehur idetë e tyre. Këto pyetje masin nivelet më të larta të të menduarit, të tilla si, vlerësimi dhe gjykimi personal, bazuar në argumentet/analizën që nxënësi parashtron gjatë zhvillimit të esesë.

Shpërndajeni me shokët që të informohen: Share-512.png

Matura nuk shtyhet, ja ç’duhet të mësoni vetë në shtëpi!

Posted on by Lini një koment

Shpërndajeni me shokët që të informohen: Share-512.png

Ndërprerja e procesit mësimor për shkak të situatës së jashtëzakonshme të krijuar nga përhapja e koronavirusit të ri, si dhe nga fatkeqësia natyrore e tërmetit tre muaj më parë nuk do të ndikojë në shtyrjen e provimeve të Maturës Shtetërore 2020.

Pas shqetësimeve të shumta të ngritura nga maturantët rreth paqartësive në zhvillimin e Maturës, autoritetet e dikasterit të Arsimit vijojnë të sqarojnë se nuk do të ketë shtyrje të provimeve, teksa u kanë kërkuar maturantëve që të shfrytëzojnë këtë periudhë të qëndrimit në shtëpi për të bërë përgatitjet përkatëse rreth këtyre provimeve.

Për të orientuar maturantët në lidhje me përgatitjen që duhet të kenë veçanërisht në lëndët  që prej tyre konsiderohen si më të vështirat, siç janë matematika, kimia dhe biologjia, do të vijohet me ofrimin e leksioneve online, teksa është shtuar edhe një orar shtesë vetëm për këtë kategori që do të jepet çdo ditë në Radiotelevizionin Shqiptar rreth orës 13:30. Ndërkohë që në faqen zyrtare të Qendrës së Shërbimeve të Arsimit janë  botuar edhe dy gudiat me të cilat maturantët duhet të vijojnë përgatitjet për tre provimet e detyruara dhe lëndën më zgjedhje. Testet e Maturës Shtetërore 2020 do të zhvillohen në lëndën e gjuhës shqipe dhe letërsisë, matematikës, gjuhës së huaj, si dhe lëndës me zgjedhje.

Gjuha e huaj

Testi i gjuhës së huaj ndërtohet mbi bazën e dy aftësive dhe vlerësimin e njëkohshëm të tyre, që janë:  të kuptuarit dhe të shprehurit me shkrim. Nëpërmjet testit të kësaj lëndë, nxënësi do të vlerësohet për realizimin e kompetencave gjuhësore të sipërpërmendura. Përqindja e peshës që zë çdo kompetencë në test është si në vijim: Të lexuarit dhe të kuptuarit e një teksti të shkruar rreth të cilit do të orientohen 50 për qind e pyetjeve të tezës, përdorimi i drejtë i gjuhës (gramatika dhe leksiku) që zë rreth 28 për qind të pyetjeve të testit, si dhe të shkruarit që zë rreth 22 për qind të pyetjeve.

Për gjuhën e huaj do hartohen dy formate testi dhe gjashtë lloje testesh, që janë: test në gjuhën angleze në nivelin B2 për gjimnazet, test në gjuhën angleze në nivelin B1 për shkollat e mesme sportive, artistike dhe profesionale, test në gjuhën frënge në nivelin B2 për gjimnazet, test në gjuhën italiane në nivelin B2 për gjimnazet, test në gjuhën gjermane në nivelin B1 për gjimnazet, si dhe test në gjuhën spanjolle në nivelin B1 për shkollën e mesme të gjuhëve të huaja.

Gjuha shqipe dhe letërsia

Sipas ekspertëve të Qendrës së Shërbimeve të Arsimit, maturantëve  që marrin pjesë në provimin e gjuhës shqipe dhe letërsisë, në test iu kërkohet të zhvillojnë përgjigje që lidhen me katër tekste (dy tekste joletrare dhe dy tekste letrare), si dhe të analizojnë tiparet e këtyre teksteve në thellësi dhe në detaje. Më konkretisht, maturantët duhet të zhvillojnë përgjigje kritike, interpretime të ndryshme, si dhe të shpjegojnë se në ç’mënyrë autorët e ndryshëm e përdorin gjuhën, strukturat dhe formën e saj për të krijuar kuptime të caktuara në një vepër (letrare ose jo). Gjithashtu duhet të përdorin edhe një shumëllojshmëri detajesh nga teksti për të shpjeguar dhe saktësuar idetë e tyre, si dhe të tregojnë se si tekstet i takojnë një tradite të caktuar gjuhësore dhe letrare, si dhe në ç’mënyrë ndikimet historiko- sociale dhe kontekstet kulturore ndikojnë në vlerësimin e një teksti.

Matematika

Testi I matematikës do të përmbajë ushtrime të përfshira në programet orientuese të maturës për tri nivelet e të nxënit, duke filluar nga pyetjet për nivelin më të dobët e deri tek nxënësit me arritje të larta. Ky test mbështetet në të mësuarin me kompetenca, me problema dhe situata nga jeta reale. Nëpërmjet testit të lëndës së matematikës në Provimin e Maturës Shtetërore, nxënësi do të vlerësohet për realizimin e kompetencave matematikore nëpërmjet 5 tematikave kryesore, që janë: numri, matja, gjeometria, algjebra dhe funksioni (përfshirë derivatin dhe integralin), statistika dhe probabiliteti.

Lëndët me zgjedhje

Struktura e testit për lëndët me zgjedhje vlerësohet në total me 60 pikë, të cilat janë të ndara në këtë mënyrë: 20 pyetje me alternative që kanë një total prej 20 pikësh, si dhe 13 pyetje të hapura, të cilat kanë një total prej 40 pikësh. Testi I secilës lëndë me zgjedhje do ndërtohet në mënyrë të tillë që të jenë të përfshira të tri nivelet e vështirësisë: niveli bazë (40 për qind e përmbajtjes së testit), niveli mesatar (40 për qind) dhe niveli i lartë (20 për qind). Njëkohësisht, edhe shpërndarja e pikëve në test bëhet në varësi të përqindjeve që zë çdo nivel vështirësie.

Burimi: Gazeta DITA

Shpërndajeni me shokët që të informohen: Share-512.png

« Zëra Më të Vjetër