Ministria e Arsimit dhe Sporteve prezantoi sot Raportin Publik mbi arritjet e nxënësve në maturën shtetërore në nivel kombëtar. Ministrja e Arsimit dhe Sportit Ogerta Manastirliu tha se do të forcohen masat në lidhje me administrimin e procesit të maturës shtetërore, teksa e vuri theksin te programet e rëndësishme që do të nisin këtë vit nga Ministria e Arsimit dhe Sportit.
Në prezantimit të arritjeve të Maturës Shtetërore 2023 rezultoi se në provimet e Maturës Shtetërore të vitit 2023, shkalla e kalueshmërisë ka shënuar një rritje të ndjeshme, arritëm 99.02%, krahasuar me vitin e kaluar ku ishte 98.71%. Rezultati më i lartë u arrit në provimin e Gjuhës Shqipe dhe Letërsisë, ndërsa rezultati më i ulët ishte në Matematikë. Numri i nxënësve që morën pjesë dhe kalueshmëria për secilën lëndë ishin të lartë: Gjuhë Shqipe dhe Letërsi 99.60% kalueshmëri, Matematikë 98.57% kalueshmëri, Gjuhë e Huaj 98.71% kalueshmëri, dhe Lëndë me Zgjedhje 99.19.
Ministrja e Arsimit dhe Sportit foli për masat për përmirësimin e procesit të Maturës Shtetërore, për planin e masave për testimin Pisa, si dhe përfshirja për herë të parë në testimin ndërkombëtar Talis.
