Publikohet Formulari A1 dhe A1Z – Matura Shtetërore 2020

21 Nov 201921 Nov 2019Leave a comment

Bëjeni Share që të informoni shokët:

Si asnjëherë më parë, procesi i Maturës Shtetërore nis që në nëntor, vetëm dy muaj pasi nxënësit nisën vitin e fundit të shkollës së mesme.

APLIKIMI PER PROVIME

Shumë pak maturantë janë në dijeni që aplikimet për provimet e maturës kanë pak ditë që kanë nisur. Të paktën kështu thonë afatet e përcaktuara në urdhrin 58 të QSHA-së, që mban datën 11 nëntor, por që është publikuar vetëm një ditë më parë. Procedura e aplikimeve është e njëjtë, nga portali qeveritar në atë të maturës. Afatet e aplikimeve janë ato që afrohen gjithnjë e më shumë, vit pas viti.

“Maturanti/kandidati bën aplikimin online, fillimisht në portalin qeveritar ealbania, në periudhën 15 nëntor-13 dhjetor 2019, dhe më pas në portalin ‘Matura Shtetërore’ 2020, në periudhën 18 nëntor13 dhjetor 2019”. Si gjithnjë, besohet që në fund të këtij afati të ketë edhe pak ditë në dispozicion për maturantë, të cilët për arsye të ndryshme nuk aplikojnë brenda kohës së përcaktuar.

Ndaj, rregullorja lë shteg të hapur edhe për ta. “Aplikimi në portalin ‘Matura Shtetërore 2020’ bëhet edhe sipas afateve të vendosura nga QSHA”.

Çdo gjë do të jetë transparente. Pas plotësimit të formularëve, maturantët do të kenë mundësi të verifikojnë bazën e të dhënave që kanë plotësuar dhe të saktësojnë në rast gabimi. Një kopje e zgjedhjes fillestare që kanë bërë do të afishohet në shkollë dhe deri në datën 10 janar mund të bëhen korrigjime të mundshme. Ashtu si aplikimet, e gjithë procedura formale, që nga lista e qendrave për provime e deri te të dhënat e maturantëve, do të mundësohet në kohë rekord, me qëllimin për t’i paraprirë procesit të garës në universitete. Ndërkohë që maturantët testohen, të dhënat e tyre, bashkë me ato të vitit të fundit, do të kalkulohen nga shkollat për t’ia nisur QSHA-së dhe më pas IAL-ve, të cilat do të përzgjedhin më të mirët bazuar mbi to.

FORMULARET

Formulari A1 për maturantët aktualë dhe A1Z për ata të viteve të kaluara do të plotësohen në rrugë elektronike dhe vetëm brenda shkollës, me ndihmën e një mbikëqyrësi. Brenda shkrimit është një kopje e dokumentit, në të cilin paraqiten, përveç gjeneraliteteve, të dhënat shkollore dhe të dhënat lëndore, që duhet të plotësohen saktë. Nga këto, një pjesë plotësohen nga maturanti dhe një pjesë nga mbikëqyrësi, që s’është tjetër veçse një person i ngarkuar nga shkolla për të mbajtur përgjegjësi për mbarëvajtjen e procesit.

Maturantët do të duhet të përcaktojnë që në krye të herës armën e tyre të fortë, që do t’i ndihmojë ose jo në garën e mëtejme për në universitet. Kimi, Fizikë, Biologji, Histori, Gjeografi, Qytetari e Psikologji, Filozofi e Sociologji apo Ekonomi janë tetë alternativat. Por nuk do të jetë vetëm lënda me zgjedhje ajo që përcaktohet në formularin e parë të aplikimeve për në universitet. Përveç saj kërkohet edhe gjuha e huaj, ku maturanti dëshiron të testohet.

Një opsion, nëse synon shkollimin jashtë vendit apo jo, kërkon numrin e saktë të maturantëve, për të cilët QSHAja është e detyruar të prodhojë kartonin e diplomës në kohë, brenda datës 1 korrik, me qëllim që ata të mos humbin shansin e aplikimit. Maturantët duhet të kenë kujdes tani që formulari i aplikimit të printohet dhe të ruajnë një kopje të tij deri në përfundimin e maturës. E-maili dhe numri i telefonit të shënuara në formular doemos duhen të jenë të saktë, pasi janë kanalet e komunikimit për ecurinë e nxënësit deri në fund të Maturës Shtetërore.

Rregullorja e re, telefoni me vete penalizon maturantët në provim

Ministria e Arsimit është më e vendosur se kurrë që këtë vit të mos lejojë që teza të dalë jashtë ambienteve të provimit. Pas disa viteve mosfunksionim të zhurmuesve dhe penaliteteve të shumta, rregullat janë ashpërsuar edhe më shumë. Telefoni, që çdo vit ka fotografuar tezën që në minutat e para të nisjes së provimit, do të jetë penalitet për maturantët. Këtë vit, thjesht marrja e tij me vete i përjashton nga provimi dhe rezultati nuk iu njihet. Kështu, nëse deri vjet e merrnin me vete për ta mbyllur në mjedise të përcaktuara, tashmë as nuk do të lejohet. Përveç kësaj, maturantëve u duhet të mësojnë më tepër për të siguruar më shumë pikë që të marrin një notë kaluese. Për një notë 5 nuk do të mjaftojë vetëm 20% e pikëve totale, por do të nevojiten 25%. Krahas shtrëngimeve për vlerësimin e dijeve në test, nga ana tjetër, Ministria e Arsimit ka lëshuar dorën me rregullat e mosnjohjes së provimit. Prishja e qetësisë në ambientin e provimit nuk do të jetë më kriter për të përjashtuar një maturant nga provimi. E njëjta gjë ndodh dhe me bar-kodin e sekretimit të testit, që nuk do të jetë më arsye për të mos i njohur rezultatin një maturanti.

Bëjeni Share që të informoni shokët:

Detyrat dhe të drejtat e maturantit/kandidatit Maturës Shtetërore 2020

20 Nov 201920 Nov 2019Leave a comment

Bëjeni Share që të informoni shokët:

Maturanti/kandidati paraqitet në qendrën e provimit 1 orë e 30 minuta përpara fillimit të provimit dhe duhet të ketë dokumentin e identifikimit si dhe mjetet e nevojshme: laps. vizore, kompas, makinë llogaritëse të thjeshtë.
Maturanti/kandidati pasi merr testin nga AP, kontrollon gjendjen fizike të testit (është i palexueshëm, mungon ndonjë faqe etj), si dhe nëse është lloji i testit që ka kërkuar në formularin AI/A1Z. Nëse vërehen parregullsi kërkon test tjetër nga AP, duke plotësuar një deklaratë për marrjen e testit.
Maturanti/kandidati plotëson testin me stilolaps me një ngjyrë (të zezë ose blu).
Në pyetjet me alternativa, maturanti/kandidati rrethon vetëm shkronjën përbri përgjigjes së saktë. Nëse maturant/kandidati rrethon më shumë se një alternativë, ose nuk rrethon asnjë alternativë, vlerësohet me 0 pikë.
Maturantët e seksioneve dygjuhëshe shkollore vendosen nga QSHA në një mjedis, për shkak të monitorimit nga përfaqësitë përkatëse dhe në zbatim të marrëveshjeve dypalëshe.
Maturantëve/kandidatëve me aftësi të kufizuar, të përkohshme ose të përhershme, me kërkesën e prindit, u krijohen kushte të përshtatshme për zhvillimin e provimit. Për ata që nuk mund të lexojnë apo të shkruajnë, PAP autorizon një prej AP. jo të profilit, për plotësimin e testit sipas përgjigjeve të dhëna me gojë nga maturanti/kandidati
Maturantëve/kandidatëve të paraburgosur u sigurohen kushtet për zhvillimin normal të provimeve, në mjedise të posaçme nën mbikëqyrjen e përfaqësuesve të autorizuar të policisë, pa uniformë dhe pa armë.
Maturantë/kandidatët që dorëzojnë testin, nënshkruajnë për dorëzimin e tij në listën që disponon AP.
Maturantë/kandidatët që dorëzojnë testin e provimit përpara kohës së përcaktuar, nuk mund të dalin nga qendra e provimit para kohës së përfundimit të provimit. Ata grumbullohen brenda qendrës së provimit, në një mjedis të përcaktuar më parë.
Kur maturanti/kandidati vëren ndonjë shkelje të Rregullores së provimit, ai ka të drejtë të informojë AP, PAP dhe përfaqësuesin e MASR.
Maturanti/kandidati ka të drejtë të kërkojë fotokopjen e testit të tij pas përfundimit të të gjitha provimeve.
Nuk ka rivlerësim të testit.
Maturantëve/kandidatë të cilët paraqiten në qendrën e provimit dhe/ose konstatohen gjatë provimit me celular përjashtohen nga të gjitha provimet e maturës shtetërore dhe kanë të drejtë ti japin ato pas një viti.

Bëjeni Share që të informoni shokët:

Rregullorja e Maturës Shtetërore 2020

17 Nov 201917 Nov 2019Leave a comment

Bëjeni Share që të informoni shokët:

Në më pak se dy muaj nga fillimi i vitit shkollor, zbardhen informacionet e para mbi provimet e Maturës Shtetërore. Ministria e Arsimit ka bërë publike rregulloren e ndryshuar, që kërkon më shumë përpjekje nga maturantët për të siguruar një notë kaluese.

Shkarkojeni këtu – urdher_rregullore_msh2020

Na ndiqni në Instagram: https://www.instagram.com/matura.shteterore/

Zbardhet rregullorja/ Forcohet Matura Shtetërore, s’mjaftojnë 20% të pikëve në test. Për të marrë pesën duhet …

14 Nov 201914 Nov 2019Leave a comment

Bëjeni Share që të informoni shokët:

maturantetete

Pragu minimal i pikëve për të mos u konsideruar mbetës, nga 20 për qind, është rritur në 25. Me pak fjalë, nëse deri dje mjaftonte t’u përgjigjeshe saktë shumicës së pyetjeve me alternativa, provimi quhej i marrë. Ndërsa tanimë kërkohet diçka më shumë se aq. Diferencën midis mbetësve dhe kaluesve do ta bëjnë pyetjet me zhvillim, me anë të cilave do të përcaktohet nëse një maturant e meriton ose jo diplomën.

“Provimet e maturës zhvillohen vetëm me shkrim. Struktura, datat dhe kohëzgjatja e provimeve të maturës caktohen me udhëzim të ministrit të Arsimit, Sportit dhe Rinisë. Maturanti/kandidati konsiderohet mbetës në provim nëse ka marrë më pak se 25% të pikëve të testit”, citohet në nenin 10 të rregullores së Maturës Shtetërore 2020. Kujtojmë që pa fituar provimet me detyrim, Gjuhën e huaj, Gjuhën shqipe e Letërsinë dhe Matematikën si dhe të vetmin provim me zgjedhje, maturantët nuk pajisen me diplomë. Krahas shtrëngimeve për vlerësimin e dijeve në test, nga ana tjetër, Ministria e Arsimit ka lëshuar dorën me rregullat e mosnjohjes së provimit. Prishja e qetësisë në ambientin e provimit nuk do të jetë më kriter për të përjashtuar një maturant nga provimi. E njëjta gjë ndodh dhe me barkodin e sekretimit të testit, që nuk do të jetë më arsye për të mos i njohur rezultatin një maturanti.

KUSH FUTET NË MATURË

Kalueshmëria në vitin shkollor dhe plotësimi i formularit A1/A1Z janë dy kushtet për t’u futur në provimet e maturës. Rregullorja e 2020-ës iu jep zgjidhje dhe atyre që nuk kaluar në njërin nga provimet në maturat nga 2012-2019, kur aplikoheshin dy lëndë me zgjedhje. Këtë vit, ata thjesht marrin diplomën e pjekurisë dhe mund të vazhdojnë me garën në universitet, në rast se duan. “Kandidatët, që në Maturat Shtetërore 2012- 2019 rezultojnë kalues në një prej provimeve me zgjedhje dhe nuk janë pajisur me diplomën e maturës/ certifikatës, atëherë të pajisen me to”.

APLIKIMI PËR PROVIME

Duke qenë se në 15 vite maturë, Agjencia Kombëtare e Provimeve, sot Qendra e Shërbimeve Arsimore, nuk u është përmbajtur datave të caktuara në rregullore për plotësimin e formularëve A1/A1Z, ka vendosur t’i shmangë në dokumentin e këtij viti. Si rregull, fillimisht bëhen publike formularët e më pas të nisë plotësimi i tij, më parë në portalin qeveritar e-albania e në vijim në portalin Matura Shtetërore. Si asnjëherë më parë, vitin e kaluar aplikimi me formularin A1/A1Z, ku caktohet lënda me zgjedhje dhe lloji i gjuhë së huaj, ku maturanti zgjedh të testohet, u krye në kohë rekord. Procesi nisi në fillim të janarit dhe u mbyll për një muaj. Ndërsa këtë vit, maturantët mbeten në pritje të datave që do të shpallë QSHA-ja në varësi të axhendës së saj.

Maturantët e vjetër, si futen në sistem për të garuar më tej në universitete

Dokumenti i parë në ndihmë të maturantëve të rinj iu jep zgjidhje dhe atyre që janë diplomuar përpara gati një dekade dhe duan t’i futen garës për në universitet. “Kandidatët, të cilët kanë marrë dëftesë pjekurie përpara vitit 2011 dhe dëshirojnë të aplikojnë për studime në institucionet e arsimit të lartë, do t’u njihen provimet e detyruara dhe me zgjedhje ose provimet e njëvlershme me to, të njehsuara nga ZVA. Këta kandidatë, në rastet kur nuk kanë dhënë provime me zgjedhje ose i kanë dhënë dhe nuk kanë rezultuar kalues, kanë të drejtë të japin një provim me zgjedhje kur e kanë të nevojshme për plotësimin e kritereve të pranimit të përcaktuara nga institucionet e arsimit të lartë”. Për maturantët që synojnë universitetet jashtë, brenda datës 1 korrik duhet të kenë në dorë diplomat e maturës. Kjo renditet në rregullore si një ndër detyrat e Qendrës së Shërbimeve Arsimore.

Bëjeni Share që të informoni shokët:

Ndryshojnë rregullat e maturës, përjashtim nga provimet nëse konstatohet celular

13 Nov 201913 Nov 2019Leave a comment

Bëjeni Share që të informoni shokët:

Maturantët që do të konstatohen me celularë në qendrat e provimit do të përjashtohen nga të gjitha testet e maturës dhe do të mund t`i japin ato vetëm vitin tjetër. Kjo është një ndër masat e ashpra që parashikon rregullorja e re e maturës për vitin 2020. Më përjashtim nga punua apo ndjekje penale do të përballen të gjithë ata që do të publikojnë tezen e provimit.

Ministria e Arsimit ka ndryshuar sërish rregullat nën të cilat do të zhvillohet Matura Shtetërore. Këtë vit parashikohen masa më të rrepta për maturantët dhe administratorët që konstatohen në shkelje.

Celulari do të jetë sërish i ndaluar, por ndryshe nga një vit më parë si ndëshkim do të jetë përjashtimi nga të gjitha provimet.

Përjashtimi nga testimi parashikohet edhe kur maturanti ndryshon vendin që i është caktuar, komunikon me të tjerët apo refuzon kontrollin nga ana e administratorëve.

Publikimi i tezës së provimeve ndër vite ka detyruar Ministrinë të ashpërsojë penalitetet.

Neni 22 i detyron administratorët të mos publikojnë testin, në të kundërt rrezikojnë vendin e punës.

Me të njëjtat masa disiplinore do të përballen hartuesit e testeve, përgjegjësi i administrimit si dhe përgjegjësi i katit.

Risi këtë vit është se ndaj çdo presoni të tretë ku përfshihen edhe maturantët do të kërkohet ndjekje penale nga Drejtoria e Përgjithshme e Arsimit Parauniversitar.

Për të kaluar maturantët, u duhet të sigurojnë më shumë pikë. Nga 20% të pikve këtë vit duhet të marrin jo më pak se 25%.

As këtë vit nuk do të ketë rivlerësim të testit, ndërsa sipas rregullores së re rezultatet e provimit duhet të shpallen jo më vonë se data 30 qershor.

Bëjeni Share që të informoni shokët:

Ky vit akademik me 1000 studentë më pak, mbyllen 17 programe në rrethe

1 Nov 20191 Nov 2019Leave a comment

Bëjeni Share që të informoni shokët:

17 programe studimi do të mbyllen pasi nuk ka pasur asnjë student të regjistruar. Për shkak të kufirit të mesatares së vendosur për të fituar një degë, këtë vit akademik do ta ndjekin 1 mijë të rinj më pak. Më të preferuarit këtë vit janë mjekësia, por edhe sportet.

Reforma në arsim për të rritur mesataren e pranimit në universitete në 6.5 ka dhënë efekt në daljen nga sistemi për 1 mijë maturantë që nuk mund të ndjekin studimet e larta.

31 tetori ishte dita e fundit e regjistrimit në universitete dhe rezulton se janë mbi 21 mijë të rinj që kanë përfituar të drejtën e studimit nga 22 mijë që ishin një vit më parë.

Rritja e mesatares nga Ministria e Arsimit ka dhënë efekt, sidomos në Universitetet e rretheve, ku në 17 programe studimi nuk është regjistruar asnjë student, ndërsa janë rreth 56 degë që rrezikojnë të mbyllen për shkak se nuk plotësojnë numrin minimal të studentëve.

Arjan Xhelaj: Në total te mësuesia, numri i atyre që kanë aplikuar nuk ka një ulje. Por në degë të veçanta, kryesisht janë prekur Shkencat e Natyrës si kimi, fizikë, matematikë në rrethe ka pak regjistrime. Në Shkodër dega e fizikës nuk kishte regjistrime. Ka disa degë specifike që hyjnë në degët e vështira të mësuesisë, ku ka një numër të limituar se nuk ka regjistrime.

Plotësim të kuotave në masën 100% ka pasur vetëm Universiteti i Mjekësisë dhe ai i Sporteve.

Arjan Xhelaj: Kemi një ecuri të mirë në Universitetin e Tiranës dhe universitetet e mëdha të rretheve. Besoj që janë ezauruar dhe të gjithë dëshirat e maturantëve. Kush donte të vijonte shkollën ka pasur mundësi në këto tre raunde të aplikimit të regjistrimit për të vijuar studimet e larta.

Interes këtë vit ka pasur edhe për programet e arsimit profesional, ku janë regjistruar 7.6% e studentëve.

Ndërsa një rritje e lehtë e regjistrimeve është shënuar edhe në universitetet private, në auditoret e të cilave janë ulur 25% e studentëve.

Bëjeni Share që të informoni shokët:

Maturantët afat deri më 31 tetor për të gjetur një degë studimi dhe të regjistrohen

29 Oct 201929 Oct 2019Leave a comment

Bëjeni Share që të informoni shokët:

Maturantët që kanë mbetur pa u regjistruar në unversitet, e kanë edhe një mundësi, por duhet të nxitojnë pranë fakulteteve dhe të dorëzojnë kërkesën me shkrim. Arjan Xhelaj, kreu i rrjetit Akademik Shqiptar për Top Channel ka sqaruar se raundi i tretë dhe i fundit, nuk ka përfunduar ende dhe se raundi vazhdon me atë që quhet faza e lirë, nis më 28 tetor dhe përfundon pas 4 ditësh, me 31 tetor.

“Maturanët që nuk u regjistruan përgjatë tre fazave të këtij raundi, kanë mundësinë që nga sot, të paraqiten pranë fakulteteve, dhe në ato lista ku ata janë në pritje për regjisttim, të shprehin dëshirën për të nisur studimet. Fakultetet i mbledhin kërkesat me shkrim të aplikantvë, për ato degë ku janë të interesuar dhe më pas nxjerrin një shortlist, që nuk bëhet më publike në portalin U Albania, por bëhet publike para fakultetit. Pastaj caktohet një ditë për regjistrim brenda kësaj faze 4 ditore, dhe në atë ditë, maturantët do të paraqiten pranë atij fakulteti”.

Kuotat e fundit në universitetet publike dhe private të vendit ezaurohen pas datës 31 tetor dhe aktualisht në Universitetin e Tiranës, në fakultetin Juridik ka edhe 6 kuota të lira.

Xhelaj thotë:

“Maturanti shkon pranë fakultetit juridik, dhe sekretaria mban shënim të gjithë ata maturantë që duan të vazhdojnë garën. Pastaj nxerrin një shortlist duke respektuar renditjen që kanë patur maturantët, në fillim të raundit të trete. Në bazeë të renditjes ato bëjnë regjistrimin në datën 30 ose 31 tetor”.

Kujtojmë se procesi i aplikimit dhe regjistrimit të maturantëve në Universitetet publike dhe private të vendit mori 2 muaj kohë. Vitin e ri akademik e nisën mbi 21 mijë maturantë. Pritet që këto katër ditë të fundit të afatit, të regjistohen rreth 200 maturantë të tjerë./

Bëjeni Share që të informoni shokët: