Sipas kalendarit të aplikimit në universitete, data 1 deri në 18 Shtator është pagesa e tarifës së aplikimit në Universitet, Raundi 2.
Kandidatët, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës së aplikimit në vlerën 2000 lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin U-Albania.
Pagesa kryhet deri në 18 Shtator 2024. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 18 Shtator 2024, në portalin U-Albania.